Navoiy viloyati hokimi Qobul Tursunov vazifasidan ozod etilgani haqida xabar berilgandi. Viloyat hokimligi matbuot xizmatining xabar qilishicha sobiq hokim o‘z arizasiga ko‘ra lavozimidan olingan.
Qayd etilishicha, 8-noyabr kuni Navoiy viloyati hokimi majlislar zalida faollar yig‘ilishi bo‘lib o‘tgan.
Yig‘ilishda O‘zbekiston Prezidenti Administratsiyasi rahbari Zaynilobiddin Nizomiddinov, O‘zbekiston bosh vazirining birinchi o‘rinbosari Ochilboy Ramatov, viloyat hokimi o‘rinbosarlari, viloyat, shahar va tumanlar sektorlar rahbarlari, xalq deputatlari Navoiy viloyati Kengashi deputatlari, Senat a’zolari, viloyat boshqarma va tashkilotlari rahbarlari hamda ommaviy axborot vositalari vakillari ishtirok etgan.
Yig‘ilishda tashkiliy masala ko‘rib chiqilgan.
O‘zbekiston Prezidenti Administratsiyasi rahbari Zaynilobiddin Nizomiddinov Prezident farmonlari bilan yig‘ilish ishtirokchilarini tanishtirgan. Viloyat hokimi Qobul Tursunov sog‘lig‘i davolanish talab etgani sababli o‘z arizasiga muvofiq vazifasidan ozod etilgan.
Shu vaqtga qadar Toshkent shahar Davlat soliq boshqarmasi boshlig‘i lavozimida faoliyat yuritib kelgan Normat Tursunov Navoiy viloyati hokimi vazifasini bajaruvchi etib tayinlandi.
Izoh (0)