Futbol bo‘yicha Italiya A Seriyasining 12-turidan o‘rin olgan bir qator uchrashuvlar 7-noyabr, yakshanba kuni bo‘lib o‘tdi.
Turning markaziy o‘yini “Milan” va “Inter” jamoalari o‘rtasida kechdi. Uchrashuvning 11-daqiqasida Xoqon Chalxono‘g‘lu penaltidan unumli foydalanib, sobiq jamoasi darvozasini ishg‘ol qildi. 17-daqiqada Stefan de Vreyning avtogolidan keyin hisob tenglashdi va bu hisob o‘yin yakuniga qadar saqlanib qoldi.
“Napoli” o‘z uyida “Verona”ni yenga olmagan bo‘lsa, “Latsio” Rimda “Salernitana” darvozasiga javobsiz uchta to‘p kiritdi.
“Napoli” va “Milan” 32 ochko bilan yetakchilikda davom etmoqda. Uchinchi o‘rindagi “Inter” hisobida esa 25 ochko mavjud.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
A Seriya
12-tur
“Milan” — “Inter” 1:1
Gollar: 0:1 – 11, penalti Chalxono‘g‘lu, 1:1 – 17, avtogol de Vrey.“Milan”: Teterushanu, Kalabriya, Kyer, Tomori, Ballo-Ture (Kalulu, 46), Krunich (Bakayoko, 84), Kessie, Tonali (Bennaser, 71), Ibrahimovich, Rafael Leau (Rebich, 59), Braim Dias (Salemakers, 59).
“Inter”: Handanovich, Darmian (Dumfris, 76), de Vrey, Shkrinyar, Bastoni (Dimarko, 84), Perishich, Brozovich, Chalxono‘g‘lu, Barella (Vidal, 68), Jeko (Korrea, 76), Martines (Sanches, 84).
Ogohlantirish: Ballo-Ture (26).
Izoh (0)