AQShning Nyu-York shahrida Toshkent vaqti bilan 7-noyabr kuni UFC 268 musobaqasi bo‘lib o‘tdi.
Kechaning asosiy jangi yarim o‘rta vazn toifasi vakili Kamaru Usmon va Kolbi Kovington o‘rtasida kechdi. Jang to‘liq 5 raund davom etdi va unda Usmon ochkolar evaziga g‘alabani qo‘lga kiritdi. Shu tariqa nigeriyalik yakkakurashchi chempionlik kamarini himoya qildi.
UFC oqshomining ikkinchi asosiy jangi mutlaq yengil vazn toifasi chempionligi uchun kechdi. Rouz Namayunas revansh jangida Veyli Jangni ochkolar hisobiga yengdi va kamarni himoya qildi.
Yana bir qiziqarli bellashuvlardan biri yengil vazn toifasi vakillari Jastin Getji va Maykl Chendler o‘zaro to‘qnash keldi. Murosasiz o‘tgan bellashuvda Getji ochkolar hisobiga g‘alabani qo‘lga kiritdi.
Asosiy kard
- Kamaru Usmon ochkolar evaziga Kolbi Kovingtonni mag‘lubiyatga uchratdi;
- Rouz Namayunas ochkolar hisobiga Veyli Jangdan ustun keldi;
- Marlon Vera 3-raunddagi nokaut evaziga Frenki Edgar ustidan g‘alaba qozondi;
- Sheyn Burgos ochkolar hisobiga Billi Kuarantilloni yengdi;
- Jastin Getji ochkolar evaziga Maykl Chendlerdan ustun keldi.
- Aleks Pereyra 2-raundda Andreas Mixailidisni texnik nokaut bilan taslim etdi;
- Bobbi Grin 1-raunddagi texnik nokaut bilan Al Yakvintadan ustun keldi;
- Kris Kyortis 1-raundda Filipp Houzni nokautga uchratdi;
- Nassurdin Imavov 2-raunddagi texnik nokaut evaziga Edmen Shahbazyanni mag‘lub etdi;
- Ien Garri 1-raunddayoq Jordan Uillyamsni nokautga uchratdi;
- Kris Barnett 2-raundagi texnik nokaut bilan Jan Villanteni yengdi;
- Dastin Jeykobi ochkolar hisobiga Jon Allandan ustun keldi;
- Melsik Bagdasaryan ochkolar evaziga Bruno Souzani mag‘lubiyatga uchratdi;
- Ode Osborn ochkolar hisobiga SiJey Vergarani yengdi.
Izoh (0)