“Roma” hujumchisi Eldor Shomurodov A Seriya 12-turi doirasida “Venetsiya”ga qarshi kechgan bahsda (3:2) gol urdi va golli uzatma amalga oshirdi.
26 yoshli o‘zbekistonlik futbolchi uchrashuvning 43-daqiqasida raqib darvozasini ishg‘ol qildi. Bu orqali Shomurodov 14 o‘yindan (463 daqiqada) iborat golsiz seriyasiga nuqta qo‘ydi.
So‘nggi bor Eldor “Roma” safida Konferensiyalar Ligasi saralash bosqichida “Trabzonspor” darvozasini ishg‘ol qilgandi.
Bu Shomurodov uchun “Roma” safida A Seriyadagi debyut gol bo‘ldi. 2021/22-yilgi mavsumda Shomurodov rimliklarning 16 o‘yinida maydonga tushib, 2 ta gol urdi va beshta golli uzatma amalga oshirdi.
Izoh (0)