Futbol bo‘yicha Italiya A Seriyasining 12-turida “Roma” 7-noyabr, yakshanba kuni “Venetsiya” maydonida mehmon bo‘ldi.
Uchrashuvning 3-daqiqasidayoq Mattia Kaldara maydon egalarini oldinga olib chiqdi. 43-daqiqada Eldor Shomurodov A Seriyadagi debyut golini urgan holda hisobni tenglashtirdi. Birinchi bo‘limga qo‘shib berilgan vaqtda Shomurodovning uzatmasidan keyin Temmi Abraham rimliklarning ikkinchi golini urdi.
65-daqiqada Mattia Aramu penaltini amalga oshirdi va muvozanatni tikladi. 74-daqiqada David Okereke venetsiyaliklarning qarshi hujumini golga aylantirdi. Shomurodov 83-daqiqada zaxiraga olindi.
Ushbu natijadan keyin “Roma” 19 ochko bilan 6-o‘rinda qoldi. “Venetsiya” ochkolarini 12 taga yetkazib olgan holda, 14-pog‘onaga ko‘tarildi.
A Seriya
12-tur bahsi
7-noyabr, yakshanba
“Venetsiya” — “Roma” 3:2
Gollar: 1:0 – 3 Kaldara, 1:1 – 43 Shomurodov, 1:2 – 45 Abraham, 2:2 – 65, penalti Aramu, 3:2 – 74 Okereke.“Venetsiya”: Romero, Matssokki (Ebuexi, 77), Kaldara, Chekkaroni, Haps, Chrnigoy (Sigurdsson, 46), Ampadu, Buzio, Kiyin (Modolo, 70), Aramu (Tessmann, 77), Okereke (Anri, 89).
“Roma”: Ruy Patrisiu, Karsdorp (Zalevski, 83), Manchini, Kumbula (Karles Peres, 66), Rojer, Veretu, Kristante, Pellegrini, ash-Shaaravi (Zaniolo, 77), Shomurodov (Mayoral, 83), Abraham.
Ogohlantirishlar: Karsdorp (16), Kiyin (47), Abraham (78).
Izoh (0)