Futbol bo‘yicha Yevropa Chempionlar Ligasining 4-turidan o‘rin olgan bir qator uchrashuvlar 2-noyabr, seshanba kuni bo‘lib o‘tdi.
“Manchester Yunayted” “Atalanta” maydoniga safar qildi va 2:2 hisobida durang o‘ynadi. Uchrashuvda hisob 12-daqiqada Yosip Ilichich tomonidan ochildi. 45-daqiqaga kelib, Krishtianu Ronaldu muvozanatni tikladi. Oradan bir oz vaqt o‘tib, Bergamo klubini yana hisobda oldinga chiqib oldi. O‘yinga qo‘shib berilgan daqiqalarda esa Ronaldu dublni rasmiylashtirdi va jamoasini mag‘lubiyatdan qutqarib qoldi.
“Bavariya” o‘z maydonida “Benfika”ni 5:2 hisobida mag‘lub etdi. Myunxenliklar safida Robert Levandoski het-trikni rasmiylashtirdi. Serj Gnabri va Leroy Sane o‘z nomiga bittadan gol yozdirib qo‘ydi. “Benfika”ning javob gollariga esa Darvin Nunyes hamda Felipe Morato mualliflik qildi.
Musobaqaning amaldagi chempioni “Chelsi” safarda minimal hisobdagi g‘alabani tantana qildi. “Aristokratlar” Hakim Ziyoshning yagona goli evaziga “Malmyo”ni taslim etdi.
“Barselona” Ansu Fatining goli evaziga “Dinamo K”dan ustun kelgan bo‘lsa, “Yuventus” o‘z maydonida “Zenit”ni yengdi.
Mazkur g‘alabadan keyin “Yuventus” va “Bavariya” birinchilardan pley-off yo‘llanmasini qo‘lga kiritdi. Turin klubi 12 ochko bilan H guruhida yetakchilik qilmoqda. “Bavariya” ham xuddi shuncha ochko bilan E guruhini boshqarmoqda.
“Manchester Yunayted” esa F guruhida 7 ochko bilan peshqadamga aylandi. “Barselona” E to‘rtligida “Bavariya”dan keyin 2-o‘rinda bormoqda.
YChL
4-tur bahslari
2-noyabr, seshanba
“Atalanta” – “Manchester Yunayted” 2:2
Gollar: 1:0 – 12 Ilichich, 1:1 – 45 Ronaldu, 2:1 – 56 Sapata, 2:2 – 90+1 Ronaldu.“Atalanta” – Musso, de Ron, Demiral, Palomino, Zappakosta, Kopmeyners, Froyler, Pashalich (Gimshiti, 46), Mele, Ilichich (Muriel, 71), Sapata.
“Manchester Yunayted” – De Xea, Bayi, Varan (Grinvud, 38), Maguayr, Uan-Bissaka, Pogba (Matich, 69), Maktomini (Sancho, 87), Brunu Fernandesh (van de Bek, 87), Reshford (Kavani, 69), Shou, Ronaldu.
Ogohlantirish: Maktomini (51).
“Bavariya” – “Benfika” 5:2
Gollar: 1:0 – 26 Levandovski, 2:0 – 32 Gnabri, 2:1 – 38 Morato, 3:1 – 49 Sane, 4:1 – 61 Levandovski, 4:2 – 74 Nunes, 5:2 – 84 Levandovski.“Bavariya” – Noyer, Pavar, Upamekano, Nyanzu, Devis (Richards, 65), Koman (Musiala, 64), Gnabri (Sarr, 85), Sane (Myuller, 72), Goretska, Kimmix (Zabitser, 72), Levandovski.
“Benfika” – Vlaxodimos, Verissimo, Vertongen, Morato, Meyte, Jilberto, Joau Mariu (Paulu Bernardu, 77), Everton (Diogu Gonsalvesh, 64), Pissi (Rafa Silva, 64), Grimaldo (Gonsalu Ramush, 77), Yaremchuk (Nunyes, 64).
Ogohlantirishlar: Verissimo (45), Upamekano (50), Nyanzu (69).
“Dinamo Kiyev” – “Barselona” 0:1
Gol: 0:1 – 70 Fati.“Dinamo K” – Bushan, Kendzera (Timchik, 77), Zabarniy, Sirota, Karavayev, Sigankov, Buyalskiy (Lednev, 81), de Pena (Verbich, 77), Sidorchuk, Shaparenko (Shepelev, 81), Garmash (Vitinyo, 71).
“Barselona” – ter Stegen, Mingesa, Erik Garsiya, Langle (Arauxo, 79), Alba, Niko Gonsales, Buskets, de Yong, Depay, Fati (Balde, 87), Gavi (Dembele, 65).
Ogohlantirishlar: Erik Garsiya (20), Garmash (41), Buyalskiy (45), Gavi (46), Langle (50).
“Malmyo” – “Chelsi” 0:1
Gol: 0:1 – 56 Ziyesh.“Malmyo” – Dalin, Ahmedxojich, Nilsen, Brursson, Berget (Larsson, 86), Rakip (Birmanchevich, 86), Innosent, Penya (Leviski, 58), Riks (Olsson, 57), Cholak, Nanasi (Nalich, 74).
“Chelsi” – Mendi, Kristensen, Tiago Silva, Ryudiger, Loftus-Chik, Aspilikueta, Jorjinyo, Hadson-Odoi (Pulishich, 74), Ziyesh (Barkli, 74), Alonso, Haverts.
Ogohlantirishlar: Tiago Silva (69), Loftus-Chik (80).
Izoh (0)