JCh—2021. Abdumalik Halokov rossiyalik bokschidan ustun keldi va kamida bronza medalini naqd qilib qo‘ydi

Belgrad shahri mezbonligida o‘tayotgan boks bo‘yicha Jahon chempionatining 2-noyabr kungi bahslari bo‘lib o‘tmoqda.

-60 kg vazn toifasida O‘zbekiston sharafini himoya qilayotgan Abdumalik Halokov rossiyalik Vsevolod Shumkovga qarshi ringga ko‘tarildi. Uchala raundda ham Abdumalik ustunlik qildi va 5:0 hisobida g‘alaba qozondi.

Abdumalik Halokov avvalgi bosqichlarda makedoniyalik Jasin Lyama, sloveniyalik Tadey Chernoga ustidan g‘alaba qozongandi.

2-noyabr kuni yana to‘rt nafar o‘zbekistonlik bokschi o‘z jangini o‘tkazadi.

• -75 kg: Saidjamshid Ja’farov — Viparon Jongjoxo (Tailand) – 19:15 dan keyin;
• +92 kg: Lazizbek Mullajonov — David Chaloyan (Armaniston) – 20:15 dan so‘ng;
• -63,5 kg: Mujibillo Tursunov — Endi Kruz (Kuba) – 22:55 dan keyin;
• -92 kg: Madiyor Saidrahimov — Lyuis Uilyams (Angliya) – 00:40 dan so‘ng.