JCh—2021. Saidjamshid Ja’farov tailandlik bokschiga imkoniyatni boy berib, musobaqa bilan xayrlashdi

Belgrad shahri mezbonligida o‘tayotgan boks bo‘yicha Jahon chempionatining 2-noyabr kungi bahslari bo‘lib o‘tmoqda.

-75 kg vazn toifasida O‘zbekiston sharafini himoya qilayotgan Saidjamshid Ja’farov 1/4 finalda tailandlik Viparon Jongjoxoga qarshi ringga ko‘tarildi. Murosasiz kechgan bahsda hakamlar 2:3 hisobida tailandlik bokschiga g‘alabani taqdim etdi.

Saidjamshid Ja’farov avvalgi bosqichlarda slovakiyalik Lukas Fernetsa, yaponiyalik Yuito Marivaki va ozarbayjonlik Mirsharif Kazimzade ustidan g‘alaba qozonib, 1/4 finalga chiqqan edi.

2-noyabr kuni yana uch nafar o‘zbekistonlik bokschi o‘z jangini o‘tkazadi.

• +92 kg: Lazizbek Mullajonov — David Chaloyan (Armaniston) – 20:15 dan so‘ng;
• -63,5 kg: Mujibillo Tursunov — Endi Kruz (Kuba) – 22:55 dan keyin;
• -92 kg: Madiyor Saidrahimov — Lyuis Uilyams (Angliya) – 00:40 dan so‘ng