Футбол бўйича Европа Чемпионлар Лигасининг 4-туридан ўрин олган бир қатор учрашувлар 2 ноябрь, сешанба куни бўлиб ўтди.
«Манчестер Юнайтед» «Аталанта» майдонига сафар қилди ва 2:2 ҳисобида дуранг ўйнади. Учрашувда ҳисоб 12-дақиқада Йосип Иличич томонидан очилди. 45-дақиқага келиб, Криштиану Роналду мувозанатни тиклади. Орадан бир оз вақт ўтиб, Бергамо клубини яна ҳисобда олдинга чиқиб олди. Ўйинга қўшиб берилган дақиқаларда эса Роналду дублни расмийлаштирди ва жамоасини мағлубиятдан қутқариб қолди.
«Бавария» ўз майдонида «Бенфика»ни 5:2 ҳисобида мағлуб этди. Мюнхенликлар сафида Роберт Левандоски ҳет-трикни расмийлаштирди. Серж Гнабри ва Лерой Сане ўз номига биттадан гол ёздириб қўйди. «Бенфика»нинг жавоб голларига эса Дарвин Нуньес ҳамда Фелипе Морато муаллифлик қилди.
Мусобақанинг амалдаги чемпиони «Челси» сафарда минимал ҳисобдаги ғалабани тантана қилди. «Аристократлар» Ҳаким Зиёшнинг ягона голи эвазига «Малмё»ни таслим этди.
«Барселона» Ансу Фатининг голи эвазига «Динамо К»дан устун келган бўлса, «Ювентус» ўз майдонида «Зенит»ни енгди.
Мазкур ғалабадан кейин «Ювентус» ва «Бавария» биринчилардан плей-офф йўлланмасини қўлга киритди. Турин клуби 12 очко билан H гуруҳида етакчилик қилмоқда. «Бавария» ҳам худди шунча очко билан E гуруҳини бошқармоқда.
«Манчестер Юнайтед» эса F гуруҳида 7 очко билан пешқадамга айланди. «Барселона» Э тўртлигида «Бавария»дан кейин 2-ўринда бормоқда.
ЕЧЛ
4-тур баҳслари
2 ноябрь, сешанба
«Аталанта» – «Манчестер Юнайтед» 2:2
Голлар: 1:0 – 12 Иличич, 1:1 – 45 Роналду, 2:1 – 56 Сапата, 2:2 – 90+1 Роналду.«Аталанта» – Муссо, де Рон, Демирал, Паломино, Заппакоста, Копмейнерс, Фройлер, Пашалич (Гимшити, 46), Меле, Иличич (Муриэль, 71), Сапата.
«Манчестер Юнайтед» – Де Хеа, Байи, Варан (Гринвуд, 38), Магуайр, Уан-Биссака, Погба (Матич, 69), Мактомини (Санчо, 87), Бруну Фернандеш (ван де Бек, 87), Рэшфорд (Кавани, 69), Шоу, Роналду.
Огоҳлантириш: Мактомини (51).
«Бавария» – «Бенфика» 5:2
Голлар: 1:0 – 26 Левандовски, 2:0 – 32 Гнабри, 2:1 – 38 Морато, 3:1 – 49 Сане, 4:1 – 61 Левандовски, 4:2 – 74 Нунес, 5:2 – 84 Левандовски.«Бавария» – Нойер, Павар, Упамекано, Нянзу, Дэвис (Ричардс, 65), Коман (Мусиала, 64), Гнабри (Сарр, 85), Сане (Мюллер, 72), Горетцка, Киммих (Забитцер, 72), Левандовски.
«Бенфика» – Влаходимос, Вериссимо, Вертонген, Морато, Мейте, Жилберто, Жоау Мариу (Паулу Бернарду, 77), Эвертон (Диогу Гонсалвеш, 64), Писси (Рафа Сильва, 64), Грималдо (Гонсалу Рамуш, 77), Яремчук (Нуньес, 64).
Огоҳлантиришлар: Вериссимо (45), Упамекано (50), Нянзу (69).
«Динамо Киев» – «Барселона» 0:1
Гол: 0:1 – 70 Фати.«Динамо К» – Бушан, Кендзера (Тимчик, 77), Забарний, Сирота, Караваев, Циганков, Буяльский (Леднев, 81), де Пена (Вербич, 77), Сидорчук, Шапаренко (Шепелев, 81), Гармаш (Витиньо, 71).
«Барселона» – тер Стеген, Мингеса, Эрик Гарсия, Лангле (Араухо, 79), Альба, Нико Гонсалес, Бускетс, де Йонг, Депай, Фати (Бальде, 87), Гави (Дембеле, 65).
Огоҳлантиришлар: Эрик Гарсия (20), Гармаш (41), Буяльский (45), Гави (46), Лангле (50).
«Малмё» – «Челси» 0:1
Гол: 0:1 – 56 Зиеш.«Малмё» – Далин, Аҳмедхожич, Нильсен, Брурссон, Бергет (Ларссон, 86), Ракип (Бирманчевич, 86), Инносент, Пеня (Левиски, 58), Рикс (Олссон, 57), Чолак, Нанаси (Налич, 74).
«Челси» – Менди, Кристенсен, Тиаго Сильва, Рюдигер, Лофтус-Чик, Аспиликуэта, Жоржиньо, Ҳадсон-Одои (Пулишич, 74), Зиеш (Баркли, 74), Алонсо, Ҳаверц.
Огоҳлантиришлар: Тиаго Сильва (69), Лофтус-Чик (80).
Изоҳ (0)