BAAning Abu-Dabi shahridagi “Jangchilar oroli”da 30-oktabr kuni UFC 267 musobaqasi bo‘lib o‘tdi.
Kechaning asosiy jangida yarim og‘ir vazn toifasi chempioni Yan Blahovich va Glover Teysheyra o‘rtasida kechdi va kutilmagan natija bilan yakunlandi. Ikkinchi raundga kelib, Glover bo‘g‘ish usuli bilan Blahovichni taslim qildi va undan chempionlik kamarini tortib oldi.
O‘ta yengil vazn toifasining sobiq chempioni Pyotr Yan uch raund davom etgan bahsda hakamlar qaroriga ko‘ra Kori Sendhagendan ustun keldi va ushbu vazn toifasining vaqtinchalik chempioniga aylandi.
Shu tariqa 30-oktabrdan o‘rin olgan “Jangchilar oroli”dagi janglar o‘z nihoyasiga yetdi. Unda quyidagi natijalar qayd etildi.
Asosiy kard:
- Glover Teysheyra 2-raundda Yan Blahovichni bo‘g‘ish usuli bilan yengdi va yarim og‘ir vazn toifasida chempionga aylandi;
- Pyotr Yan ochkolar evaziga Kori Sendhageni yengdi va o‘ta yengil vazn toifasida vaqtinchalik chempionga aylandi;
- Islom Maxachev 1-raundda Den Hukerni og‘ritish usuli bilan yengdi;
- Aleksandr Volkov ochkolar evaziga Marchin Tiburani mag‘lub etdi;
- Hamzat Chimayev 1-raundda bo‘g‘ish usuli bilan Li Szinlyanni taslim qildi;
- Magomed Ankalayev ochkolar evaziga Volkan O‘zdemirni yengdi.
- Zubayra Tuxugov (20-5-1) ochkolar evaziga Rikardo Ramosni (15-4) mag‘lubiyatga uchratdi;
- Albert Durayev (15-3) ochkolar evaziga Roman Kopilovni (8-2) mag‘lub qildi;
- Elizeu dos Santos (23-7) ochkolar evaziga Benua Sen Denisni (8-1) yengdi;
- Mixal Olesiychuk (16-4) 1-raundda Shamil Gamzatovni (14-1) texnik nokautga uchratdi;
- Leron Myorfi (11-0-1) 2-raundda Makvan Amirxonini (16-7) nokautga uchratdi;
- Andrey Petroski (7-1) 3-raundda bo‘g‘ish usuli bilan Hu Yaoszunni (3-3) taslim etdi;
- Tagir Ulanbekov (14-1) ochkolar evaziga Allan Nasimentodan (18-6) ustun keldi.
Mavzuga doir:
Izoh (0)