Futbol bo‘yicha Ispaniya chempionatining 12-turidan o‘rin olgan o‘yinda “Barselona” 30-oktabr, shanba kuni “Alaves” bilan bahs yuritdi.
“Barselona” Ronald Kumanning iste’fosidan keyingi ilk o‘yinda “Alaves”ga qarshi maydonga chiqdi. Uchrashuvning 49-daqiqasida Memfis Depay gol urib, hisobni ochdi. Oradan uch daqiqa o‘tib esa mehmonlar Luis Rioxanig goli evaziga hisobni tenglashtirishga muvaffaq bo‘ldi.
1:1 hisobi o‘yin yakunigacha saqlanib qoldi. Qayd etish kerak, katalon klubi La Ligada ketma-ket uch o‘yindan beri g‘alaba qozona olmayapti.
“Barselona”ning hisobida 16 ochko bor, jamoa 9-o‘rindan joy olgan. “Alaves” esa 10 ochko bilan 16-o‘rinda bormoqda.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
La Liga
12-tur bahsi
30-oktabr, shanba
“Barselona” – “Alaves” 1:1
Gollar: 1:0 – 49 Depay, 1:1 – 52 Rioxa.“Barselona”: ter Shtegen, Mingesa (Ezzalzouli, 80), Pike (Langle, 70), Erik Garsiya, Alba, Buskets, Niko Gonsales (Balde, 80), Gavi (Puch, 70), Dest, Aguero (Koutinyo, 41), Depay.
“Alaves”: Sivera, Ximo Navarro (Agirregabiria, 20), Laguardia, Lejen, Duarte, Pere Pons (Pina, 62), Moyya (Manu Garsiya, 80), Lum, Mendes (Pelyistri, 62), Xoselu (Silla, 80), Rioxa.
Ogohlantirishlar: Sivera (45), Duarte (82).
Izoh (0)