O‘zbekistondagi saylov uchastkalarida soat 20:00 holatiga ko‘ra prezident saylovi ishtirokchilarining 16 036 914 nafari, ya’ni 80,8 foizi ovoz berdi. Bu haqda Markaziy saylov komissiyasi xabar berdi.
24-oktabr kuni soat 20:00 da ovoz berish jarayoni rasman yakunlandi. Biroq mamlakatdan tashqaridagi saylov uchastkalarida ovoz berish jarayoni davom etmoqda va saylov uchastkalarining so‘nggisi 25-oktabr kuni Toshkent vaqti bilan soat 06:00 da Nyu-Yorkda yopiladi.
Markaziy saylov komissiyasi raisi Zayniddin Nizomxo‘jayevning ma’lum qilishicha, prezidentlikka nomzodlarga berilgan ovozlarni sanab chiqish jarayonlari davom etmoqda. Saylovning dastlabki natijalari 25-oktabr kuni soat 16:00 da e’lon qilinadi.
Izoh (0)