OnePlus kompaniyasi “Garri Potter” olamiga tegishli soatlarni taqdim etdi. U mis rangida ishlangan bo‘lib, jigarrang tasmasi charmdan tikilgan. Soat barchaga tanish bo‘lgan ramzlar bilan bezatilgan va u qiyshiq tor ko‘chadagi diqqatga sazovor maskanlarga bag‘ishlab ishlangan qutida yetkazib beriladi, deb xabar beradi Hi-Tech.Mail.ru.
Smart-soatlar doimiy yoniq displey va masofadan turib kamerani boshqarish funksiyasiga ega. Shuningdek, yurak qisqarishi chastotasi va qondagi kislorod darajasini aniqlaydigan datchiklar, boy sport rejimi tanlovi hamda stressni kuzatish imkoniyati mavjud.
Soatlar smartfon bilan birga ishlaydi. Olingan xabarnomalar, u xoh SMS yoki qo‘ng‘iroq bo‘lsin, ekranda ko‘rinadi.
OnePlus kompaniyasi Harry Potter Limited Edition soatlarini 21-oktabr kuni Hindistonda sotuvga chiqaradi. “Aqlli” soat narxi 225 dollar atrofida bo‘lishi kutilmoqda.
Avvalroq Garri Potter ismli britaniyalik “Garri Potter va hikmatlar toshi” kitobining birinchi nashri nusxasini 27,5 ming funtga sotgani to‘g‘risida xabar berilgandi.
Izoh (0)