Happy Sad Confused podkastida Deniel Redkliffdan Garri Potter haqida filmlarning qayta ishlangan versiyasida kimni o‘ynagan bo‘lishi mumkinligi haqida so‘raldi, deb xabar beradi Esquire.

Foto: Esquire

Redkliff o‘ylanib o‘tirmasdan birinchi bor “Garri Potter va Azkaban mahbusi” filmida paydo bo‘lgan Sirius Blek yoki Rimus Lyupin rolini ijro etgan bo‘lishini aytgan. Original filmda Sirius Blek — Garrining cho‘qintirgan otasi rolini Geri Oldmen, qora sehrdan himoyalanish fani o‘qituvchisi rolini esa Devid Tyulis ijro etgan.

“Men doim Sirius va Rimusga qoyil qolganman. Ushbu personajlar bilan birgalikda o‘ynagan sahnalarimizni obyektiv baholay olmaymiz. Geri va Devid bilan suratga olish ishlarimizni hamon hayotimdagi eng yaxshi onlar sifatida bilaman”, — deydi Redkliff.

2021-yilning yanvarida Warner Bros. kompaniyasi HBO Max uchun “Garri Potter” olami haqida serial ishlashiga oid ma’lumotlar tarqaldi, ammo hozirga qadar ushbu xabar yangilanmadi. “Garri Potter” — Warner Bros. studiyasining eng qadrli franshizasi hisoblanadi. Joan Rouling qalamiga mansub 7 ta kitob asosida suratga olingan filmlar butun dunyo prokatida 7 milliard dollardan ortiq mablag‘ to‘plagan.