YouTube’dagi 7,5 million obunachiga ega TechRax kanalida iPhone 13 Pro smartfoni afsonaviy Nokia 3310 tugmali telefoni bilan o‘zaro mustahkamlik testida taqqoslangani tasvirlangan video paydo bo‘ldi, deb xabar beradi IXBT.
Ta’kidlash kerakki, Nokia 3310 xalq orasida ishonch va mustahkamlik so‘zlarining sinonimiga aylanib ulgurgan. Ushbu telefon eng og‘ir sinovlardan o‘tgan. Tajriba davomida ikkala qurilma ham osmono‘par binoning 20-qavatidan tashlab yuborilgan.
Telefonlar 20 qavat balandlikdan birdaniga yerga tushmagan — ular muntazam metall to‘siqlarga urilgan. Sinov natijalari kutilmagan bo‘lib chiqdi: plastik korpusdagi Nokia 3310 qismlarga ajralib ketgan, zanglamaydigan po‘latdan ishlangan korpus va Ceramic Sheild himoya oynasiga ega iPhone 13 Pro qayta va qayta balandlikdan uloqtirilgan. Har safar smartfon bir necha qavatni bosib o‘tgan.
Qurilmaning old paneli va himoya oynasi borgan sari sinib ketgan, biroq testlar iPhone 13 Pro juda yaxshi yig‘ilganini isbotlagan. Natijada smartfon ishlashga yaroqli holatda qolgan.
Qayd etilishicha, Nokia 3310 har safar devor yoki asfaltga urilganida sochilib ketgan, ammo bunga telefonning yechiladigan akkumulyatoriga ega konstruksiyasi sababchi. Tezlik bilan yig‘ilgan qurilma normal ishlashda davom etavergan.
Avvalroq iPhone 13 egalari quvvatlantirishdagi xatolikdan shikoyat qilayotgani ma’lum bo‘lgandi.
Izoh (0)