«Гарри Поттер» мухлислари хурсанд: севимли оламга бағишланган «ақлли» соатлар тақдим этилди

ОnеPlus компанияси «Гарри Поттер» оламига тегишли соатларни тақдим этди. У мис рангида ишланган бўлиб, жигарранг тасмаси чармдан тикилган. Соат барчага таниш бўлган рамзлар билан безатилган ва у қийшиқ тор кўчадаги диққатга сазовор масканларга бағишлаб ишланган қутида етказиб берилади, деб хабар беради Hi-Tech.Mail.ru.

Смарт-соатлар доимий ёниқ дисплей ва масофадан туриб камерани бошқариш функциясига эга. Шунингдек, юрак қисқариши частотаси ва қондаги кислород даражасини аниқлайдиган датчиклар, бой спорт режими танлови ҳамда стрессни кузатиш имконияти мавжуд.

Соатлар смартфон билан бирга ишлайди. Олинган хабарномалар, у хоҳ SMS ёки қўнғироқ бўлсин, экранда кўринади.

«Гарри Поттер»га боғлиқ жиҳатлари орасидан мавзуга оид олтита, жумладан, анимацияли циферблатни ажратиб кўрсатиш мумкин. Шунингдек, анимация соатларни ёққан вақтида ҳам тасвирланади:

ОnеPlus компанияси Harry Potter Limited Edition соатларини 21 октябрь куни Ҳиндистонда сотувга чиқаради. «Ақлли» соат нархи 225 доллар атрофида бўлиши кутилмоқда.

Аввалроқ Гарри Поттер исмли британиялик «Гарри Поттер ва ҳикматлар тоши» китобининг биринчи нашри нусхасини 27,5 минг фунтга сотгани тўғрисида хабар берилганди.