Oppo Reno6 Pro+ smartfonining kamerasi DxOMark laboratoriyasida sinovdan o‘tkazilib, raqiblariniki bilan o‘zaro taqqoslandi, deb xabar beradi IXBT.
Ma’lumot uchun, apparatga 50 megapikselli Sony IMX766 datchigi o‘rnatilgan va bu kabi datchik o‘rnatilgan smartfonlar testlarda o‘zini yaxshi ko‘rsatmoqda.
Test natijalariga ko‘ra, Oppo qurilmasi umumiy hisobda 121 ball to‘plagan. SoC Exynos o‘rnatilgan Samsung Galaxy S21 Ultra, Asus Zenfone 8 va iPhone 12 qurilmalari ham shu darajada. Smartfon tomonidan olingan surat sifati 126 ball, videosi esa 108 ball to‘plagan. Birinchi holatda uning ko‘rsatkichi Samsung flagmaninikidan 2 ballga kamroq, ikkinchi holatda — 10 ballga ko‘proq. Oppo flagmani o‘ta keng burchakli va telekamera datchiklari imkoniyati bo‘yicha ham koreyalik raqibiga yutqazgan.
Eslatib o‘tamiz, Oppo Reno6 Pro+ bahor oxirida 625 dollardan sotuvga chiqqan.
Avvalroq Oppo kompaniyasi Marvel kinoolami ishqibozlari uchun mo‘ljallangan smartfon — Reno5 Marvel Edition’ni taqdim etgandi.
Izoh (0)