Futbol bo‘yicha Germaniya Bundesligasining 8-turidan o‘rin olgan o‘yinlar 16-oktabr, shanba kuni bo‘lib o‘tdi.
“Borussiya D” o‘z uyida “Mayns” bilan bahs olib bordi. 3-daqiqada Marko Roys mezbonlarning birinchi goliga mualliflik qildi. Jamoalar tanaffusga shu hisobda yo‘l oldi.
54-daqiqada Erling Holand penaltidan unumli foydalanib, oradagi farqni oshirdi. 87-daqiqada “Mayns” hisobni qisqartirishga erishdi. Hakam tomonidan qo‘shib berilgan daqiqalarda Holand dublni rasmiylashtirdi va “Borussiya D”ning g‘alabasini ta’minladi.
Shu tariqa “Borussiya D” ochkolari sonini 18 taga yetkazdi va birinchi o‘rinni mustahkamlab oldi. “Mayns” esa 10 ochko bilan 10-o‘rinni band etib turibdi.
Bundesliga
8-tur bahsi
16-oktabr, shanba
“Borussiya D” — “Mayns” 3:1
Gollar: 1:0 – 3 Roys, 2:0 – 54 Holand (penalti), 2:1 – 87 Burkardt, 3:1 – 90+4 Holand.“Borussiya D”: Kobel, Menye, Hummels (Pongrachich, 67), Akanji, Shuls, Jan (Vitsel, 85), Brandt (Volf, 78), Bellinghem, Roys (Reyner, 85), Malen (Azar, 67), Holand.
“Mayns”: Sentner, Bell (Burkardt, 69), Vidmer, Niakate, Lukoki (Aaron Martin, 46), Tauer, Boetiyus, Barreyro (Li Chje Son, 69), Shtax (Papela, 83), Onisivo, Ingvartsen (Hak, 69).
Ogohlantirishlar: Shuls (13), Akanji (35), Bell (50), Ingvartsen (64), Tauer (71), Niakate (89).
Izoh (0)