Toshkent viloyati Oqqo‘rg‘on tumanida fuqaroni o‘qishga kiritib qo‘yish evaziga undan pul talab qilgan shaxs qo‘lga olindi, deya xabar qilmoqda Bosh prokuratura huzuridagi Departament matbuot xizmati.
Ma’lum qilinishicha, Departamentning Toshkent viloyat boshqarmasi, Oqqo‘rg‘on tuman bo‘limi va viloyat IIB xodimlari bilan hamkorlikda tezkor tadbir o‘tkazilgan. Unda muqaddam 5 marotaba firibgarlik jinoyatlari uchun sudlangan fuqaro O‘.M. fuqaro F.ning qizini tanishlari orqali 5000 AQSh dollari evaziga Toshkent davlat yuridik universitetiga o‘qishga kiritib qo‘yishga ishontirib, oldindan 1100 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Andijonda o‘zini Ispaniya banki vakili deya tanishtirib, 200 ming dollar kredit olib berish uchun pul talab qilgan shaxs ushlandi
- Qoraqalpog‘istonda 29 nafar abituriyentni o‘qishga kiritish evaziga 83 ming dollar olgan shaxs ushlandi
- Xorazmda o‘qishga kiritib qo‘yishni va’da berib, fuqarolarning 700 mln so‘mga yaqin mablag‘ini o‘zlashtirgan shaxslarga sud hukmi o‘qildi
Izoh (0)