O‘zbekistonda 2021-yilning o‘tgan to‘qqiz oyi davrida onlayn-auksionlar orqali 105,6 mingdan ziyod “chiroyli” avtoraqamlar sotildi. Bu haqda respublika tovar-xomashyo birjasining hisobotida ma’lum qilingan.
Qayd etilishicha, 2021-yilning 9 oylik yakunlariga ko‘ra, O‘zbekiston respublika tovar-xomashyo birjasining barcha savdo platformalarida tuzilgan bitimlarning umumiy hajmi 2020-yilning mos davriga nisbatan 61,5 foizga o‘sib, 61,5 trillion so‘mdan ortiqni tashkil qilgan.
Xususan, ko‘rib chiqilayotgan davrda “Avtoraqam.uzex.uz” vebsaytida onlayn-auksionlar orqali 221,1 milliard so‘mlik 105,6 mingdan ziyod “chiroyli” avtoraqamlar sotilgan. Bunda, avtoraqamlarning sotuvi son jihatdan 1,7 barobarga, qiymati bo‘yicha – 28,3 foizga o‘sgan.
Sotilgan avtoraqamning eng past bahosi – 450,5 ming so‘mni, eng qimmat avtoraqamning qiymati esa 441,5 million so‘mni tashkil qilgan. Tuzilgan bitta bitimning o‘rtacha qiymati 2,1 million so‘mga teng.
Bundan avval O‘zbekistonda istalgan fuqaro UZB, AAA seriali avtoraqamlarni auksion orqali sotib olishi mumkinligi hamda O‘zbekistonga qalbaki avtoraqamlar olib kirilayotgani aniqlangani haqida xabar berilgandi.
Izoh (0)