2021-yilning birinchi yarmi natijalariga ko‘ra Numbeo’ning eng xavfsiz davlatlar reytingida O‘zbekiston 137-o‘rindan 37-o‘rinni egalladi, deb xabar beradi Telegram’dagi “Nigoh” kanali.
Ma’lum qilinishicha, mamlakat indeksi 66,58 ni tashkil etgan.
Indeks 20 dan past bo‘lsa, mamlakatda xavfsizlik darajasi juda past, 20 dan 40 gacha — past, 40 dan 60 gacha — o‘rta, 60 dan 80 gacha — yuqori, 80 dan yuqori — juda yuqori hisoblanadi.
MDH davlatlari orasida faqat Armaniston (10-o‘rin) va Ozarbayjon (34-o‘rin) O‘zbekistondan yuqori. Ulardan keyin Rossiya — 52, Moldova — 76, Ukraina — 81, Qozog‘iston — 98, Qirg‘iziston — 107, Belarus — 114-o‘rinda joylashgan.
Eslatib o‘tamiz, 2020-yilda O‘zbekiston xavfsiz turizm bo‘yicha Insurly reytingida MDH davlatlari orasida 1-o‘rinda qayd etilgandi.
Izoh (0)