Indoneziya Oziq-ovqat mahsulotlari va dori preparatlari nazorati agentligi (BPOM) Xitoy—O‘zbekiston hamkorligida ishlab chiqarilgan ZF-UZ-VAC2001 vaksinasidan favqulodda foydalanishga ruxsat berdi. Bu haqda BPOM rahbari Penni K. Lukito shu munosabat bilan tashkil etilgan matbuot anjumanida ma’lum qildi, deb xabar bermoqda “Vaksinauz” Telegram kanali.
Penni K. Lukito mazkur vaksinaning I, II va III faza tadqiqotlari uning nojo‘ya ta’sirlari kamligini ko‘rsatganini ma’lum qildi. Shuningdek, vaksinaning 3-dozasidan keyin 7 kun o‘tgach, samarasi 81,71 foizni tashkil etgani qayd etilgan.
ZF-UZ-VAC2001 vaksinasining III faza sinovlari Indoneziyaning Bandung shahrida o‘tkazilgan bo‘lib, unda jami 4000 nafar ko‘ngilli ishtirok etgan. Jami sinovlarda butun dunyodan 28 ming nafar ko‘ngilli qatnashgan.
“Indoneziya OAVlarida xabar berilishicha, ZF-UZ-VAC2001 vaksinasi COVID-19 virusiga qarshi umumiy 92,92 foiz samaradorlikni ko‘rsatgan. Indoneziyada shu paytgacha Bio Farma, Moderna, Pfizer, AstraZeneca, Sinopharm, up CanSino kabi vaksinalar qo‘llangan”, — deyiladi xabarda.
Ma’lumot uchun, ZF-UZ-VAC2001 vaksinasi Xitoy Fanlar akademiyasi Mikrobiologiya instituti hamda O‘zbekiston Innovatsion rivojlanish vazirligi huzuridagi Ilg‘or texnologiyalar markazi va SSV Virusologiya ilmiy-tadqiqot instituti bilan hamkorlikda Zhifei Longcom Biopharmaceutical kompaniyasi tomonidan yaratilgan. Mazkur vaksina III faza klinik sinovlari natijalariga ko‘ra, 3-dozadan so‘ng vaksinaning samaradorligi barcha shtammlar uchun umumiy 81,76 foiz, “britancha” shtammga qarshi esa 92,93 foizni tashkil etgan.
Mavzuga doir:
- O‘zbekistonda ZF-UZ-VAC2001 vaksinasining dastlabki partiyasi ishlab chiqarildi
- Ma’lumotlar monitoringi bo‘yicha mustaqil qo‘mita 3 yoshdan katta bolalarni ham ZF-UZ-VAC2001 vaksinasi bilan emlashni ma’qulladi
- O‘zbekistonda Pfizer vaksinasi bilan 12 yoshdan katta bolalarning qanchasi emlangani ma’lum qilindi
Izoh (0)