Ўзбекистонда 2020/2021-ўқув йили бошида фаолият юритаётган олий таълим муассасалари сони 127 тани ташкил этган. Бу ҳақда Давлат статистика қўмитаси хабар берди.
Маълум қилинишича, республикадаги 127 та олий таълим муассасаларининг 88 тасида талабалар учун ётоқхоналар мавжуд.
Эслатиб ўтамиз, февраль охирда Тошкентнинг Юнусобод туманида беш нафар талаба ўлик ҳолда топилгани, улардан бири Инҳа университетининг 1-босқич талабаси эканлиги тўғрисида хабар берилган эди. Фожиадан сўнг ижарада яшаётган талабаларнинг шароитлари ўрганиладиган бўлди.
Шундан сўнг Тошкент шаҳридаги Инҳа университетининг 200 ўринга мўлжалланган биринчи ётоқхонаси ҳамда Ахборот технологиялари ва коммуникацияларини ривожлантириш вазирлиги кўмагида Тошкент шаҳридаги Амити университети ётоқхонаси фойдаланишга топширилди.
Изоҳ (0)