Favqulodda vaziyatlar vazirligi 6-oktabr kuni kuzatiladigan ob-havo sharoiti tufayli Qamchiq dovonida harakatlanuvchi haydovchilarni xavfsizlik choralarini ko‘rishga chaqirdi.
O‘zbekiston Gidrometeorologiya xizmati markazi tomonidan berilgan ma’lumotga ko‘ra, 6-oktabr kunning ikkinchi yarmida A-373 Toshkent—O‘sh avtomobil yo‘lining Qamchiq dovonida havo o‘zgarib turadi, ba’zi joylarda yog‘ingarchilik (yomg‘ir, qor) bo‘lishi kutilmoqda.
Shuningdek vaqti-vaqti bilan tuman tushishi mumkin. Shamol sharqdan 7-12 metr/sekund tezlikda esadi. Harorat kechasi +1,+4 daraja, kunduzi +4,+7 daraja bo‘lishi kutilmoqda.
Shu munosabat bilan vazirlik haydovchilardan dovon yo‘lida harakatlanayotgan vaqtda barcha xavfsizlik choralarini ko‘rishga chaqirdi.
Bundan avval YHXBB dovon yo‘lidan harakatlanuvchi haydovchilarni ob-havo, tuman sharoiti va yo‘l namligini inobatga olib, tezlikni me’yoridan oshirmasdan, oraliq masofa saqlagan holda, e’tiborli va ehtiyotkor bo‘lib harakatlanishga chaqirgandi.
Mavzuga doir: Qamchiq dovonida 4 ta mashina ishtirokida YTH yuz berdi
Izoh (0)