Futbol bo‘yicha Italiya A Seriyasining 7-turidan o‘rin olgan qator uchrashuvlar 3-oktabr, yakshanba kuni bo‘lib o‘tdi.
“Roma” o‘z uyida “Empoli”ni qabul qildi. Birinchi bo‘lim oxirlab qolgan bir vaqtda Lorenso Pellegrini rimliklarning dastlabki golini urdi. Ikkinchi bo‘limning uchinchi daqiqasida Genrix Mxitaryan hisobdagi farqni oshirdi. Qolgan vaqtda “Roma” mazkur ustunlikni saqlab qoldi.
“Bo‘rilar” ushbu g‘alabadan keyin ochkolarini 15 taga yetkazib olgan holda to‘rtinchi pog‘onada bormoqda.
Parallel kechgan bahsda “Napoli” safarda “Fiorentina” ustidan irodali g‘alabani qo‘lga kiritdi va peshqadamlikni mustahkamladi. Joriy mavsum hali ochko yo‘qotmagan neapolliklar 21 ochko bilan yakka peshqadam bo‘lib turibdi.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
A Seriya
7-tur bahslari
3-oktabr, yakshanba
“Roma” — “Empoli” 2:0
Gollar: 1:0 – 42 Pellegrini, 2:0 – 48 Mxitaryan.“Roma”: Ruy Patrisiu, Karsdorp, Smolling (Rojer, 90), Manchini, Vinya (Kalafyori, 84), Mxitaryan (Zalevski, 90), Veretu, Pellegrini, Zaniolo (ash-Shaaravi, 85), Darbo (Kristante, 64), Abraham.
“Empoli”: Vikario, Stoyanovich, Romanyoli, Viti, Markitssa, Henderson (Shtulats, 70), Bandinelli (Xaas, 46), Jurkovski (Bayrami, 46), Richchi, Di Franchesko (Kutrone, 70), Pinamonti (Mankuzo, 29).
Ogohlantirishlar: Richchi (46), Xaas (56), Manchini (57), Zaniolo (85), Stoyanovich (90).
Izoh (0)