Futbol bo‘yicha Germaniya Bundesligasining 7-turida “Bavariya” 3-oktabr, yakshanba kuni “Ayntraxt”ni qabul qildi.
Uchrashuvning 29-daqiqasida Leon Goretska myunxenliklarni hisobda oldinga olib chiqdi. Frankfurtliklar birinchi bo‘limda bunga Martin Xintereggerning kiritgan to‘pi bilan javob qaytardi.
O‘yin yakunlanishi arafasida Filip Kostich mehmonlarga g‘alaba keltirgan golga muallif bo‘ldi. Shu tariqa “Bavariya” mavsumdagi ilk mag‘lubiyatni qabul qilib oldi, “Ayntraxt” esa dastlabki g‘alabasini qo‘lga kiritdi.
“Bavariya” 16 ochko bilan peshqadamlikni saqlab turibdi. “Ayntraxt” 8 ochko bilan 13-pog‘onaga ko‘tarildi.
Bundesliga
7-tur bahsi
3-oktabr, yakshanba
“Bavariya” — “Ayntraxt F” 1:2
Gollar: 1:0 – 29 Goretska, 1:1 – 32 Xinteregger, 1:2 – 83 Kostich.“Bavariya”: Noyer, Zyule (Zabitser, 75), Ernandes, Upamekano, Devis, Goretska, Kimmix, Myuller, Levandovski, Gnabri (Musiala, 70), Sane (Shupo-Moting, 81).
“Ayntraxt F”: Trapp, Ture (da Koshta, 61), Xinteregger, Ilzanker, Tuta (Xrustich, 84), Chendler, Sou, Yakich, Kostich, Lindstryom (Heuge, 61), Borre (Lammers, 78).
Ogohlantirishlar: Devis (50), Upamekano (77), Heuge (78).
Izoh (0)