Amazon kompaniyasi kamera va planshet o‘rnatilgan g‘ildirakli mitti roboti — Astro’ni namoyish etdi. U uy ichida soniyasiga 1 metr tezlikda harakatlanishi mumkin, deb xabar beradi Hi-Tech.Mail.ru.
Taxminlarga ko‘ra, robotning zinalardan tushib ketishi yoki boshqa xavfli harakatlardan himoyalanishiga yordam beradigan datchiklari mavjud. Planshet ekranidagi ko‘z tasvirlari esa unga “jonli” effekt berishi kerak.
Mazkur gadjetning narxi 1499,99 dollarni tashkil etadi, maxsus dasturga kiradigan ayrim mijozlar uchun esa u 1000 dollardan sotiladi.
Ta’kidlanishicha, Astro uyda hech kim bo‘lmaganida uni qo‘riqlashi va noma’lum inson uyga kirganida xo‘jayinini ogohlantirishi mumkin. Shuningdek, robot tutun signalizatsiyasi yoki oynaning sinishi kabi tovushlarni tanish imkoniyatiga ega bo‘ladi. Ishlab chiqaruvchilarning so‘zlariga ko‘ra, robotdan yordamga muhtoj insonlar, masalan, keksalarni parvarishlashda foydalansa bo‘ladi.
Maxfiylikka rioya qilish uchun Astro bir nechta opsiyalarga ega bo‘lgan: masalan, robotni ma’lumot bir xonalarga kirmaslik yoki mikrofon va kamerasini o‘chirib qo‘yishga o‘rgatish mumkin, biroq bu kabi rejimda Astro boshqa buyruqlarni bajara olmaydi.
Avvalroq Fransiyada keksalarga yordam berishga mo‘ljallangan robot yaratilgani, Samsung uy ishlariga yordam beradigan noodatiy robotni taqdim etgani to‘g‘risida xabar berilgandi.
Izoh (0)