iPhone smartfonlariga yangi operatsion tizim o‘rnatgan foydalanuvchilar AirPods Pro’ning ishlashidan shikoyat qilmoqda, deb xabar beradi Hi-Tech.Mail.ru.
iOS 15 dagi xatolik ayrim AirPods Pro egalariga “Shovqin so‘ndirish” va “Shaffoflik” rejimlarini Siri yordamida boshqarish imkonini bermayapti. Buni amalga oshirishga urinilganida esa foydalanuvchilarda Siri’dan “Kechirasiz, men buni qila olmayman” degan javob olmoqda.
Ma’lum qilinishicha, iOS 15.1 versiyaga o‘tilganidan keyin ushbu xatolik takrorlanmaydi. Hozirda yangilangan operatsion tizim beta-test jarayonidan o‘tmoqda, keyinroq undan barcha foydalanishi mumkin bo‘ladi. Taxminlarga ko‘ra, bu bir necha haftadan so‘ng amalga oshiriladi.
Eslatib o‘tamiz, iOS 15 operatsion tizimi iyun oyida dasturchilar uchun mo‘ljallangan WWDS 2921 taqdimotida taqdim etilgandi. Yangilanishga ko‘ra, endilikda kompaniya veb-brauzerda qo‘ng‘iroqqa ulanish uchun havolalar yaratish va ularni kalendarga qo‘shish imkoniyati mavjud:
- agar bildirishnomalar juda ko‘p bo‘lsa, tizim ularni avtomatik ravishda Summary tarkibiga qo‘shadi: ular ustuvorlik bo‘yicha tartiblanadi;
- foydalanuvchi qaysi kontaktlar yoki dasturlardan xabarnomalar kelib turishini tanlashi mumkin: buning uchun “Fokus” rejimini tanlash, shuningdek, “ish”, “shaxsiy”, “dam olish” rejimlarini ishga tushirish kerak bo‘ladi. Funksiya bir vaqtning o‘zida barcha foydalanuvchi qurilmalarida yoqilgan hisoblanadi.
Izoh (0)