Siljiydigan ekranga ega dunyodagi birinchi lazerli televizor taqdim etildi

Hisense kompaniyasi ekrani siljiydigan dunyodagi birinchi lazerli televizorni taqdim etdi, deb xabar beradi Hi-Tech.Mail.ru.

Siljiydigan ekranga ega Hisense’ning yangi televizoriga 77 dyuymli panel o‘rnatilgan. U 4K HDR sifatni qo‘llab-quvvatlaydi, lazerli texnologiyasi esa 107 foizligi BT.2020 ranglar gammasini va 350 nitli maksimal yorqinlikni ta’minlaydi.

Dizayniga kelinadigan bo‘lsa, ekranning yon tomonidan deyarli old panellar yo‘q, ammo ular pastki va tepa qismlarda bor. Pastki qismidagisi ancha sezilarli.

Yangi modelga Transvision vizual protsessori va sifatli ovozni ta’minlovchi Harmon/Kardon dinamiklari o‘rnatilgan. Bundan tashqari, Dolby DTS ovozli effektlarini ta’minovchi ikkitalik dekodlash mavjud.

Hozircha Hisense’ning harakatlanuvchi lazerli televizorini “JD.com” sayti orqali bronlash mumkin. Kompaniya uning narxi va taqdim etilish sanasiga oydinlik kiritmagan. Qurilma 2021-yil oxiriga borib sotuvga chiqishi ma’lum, xolos.

Avvalroq LG kompaniyasi oynachaga ega, o‘raladigan televizorni o‘ylab topgani, Xiaomi dunyodagi birinchi shaffof televizorni taqdim etgani to‘g‘risida xabar berilgandi.