Dunyo va o‘zbek sportiga oid 28-sentabr kunining eng muhim xabarlari dayjesti bilan tanishing.
O‘zbekiston
Superliganing ikki klubida yoshini o‘zgartirgan uch futbolchi aniqlandiPFL biologik yoshini sun’iy kichraytirgan futbolchilar masalasi o‘rganib chiqdi. Natijalar esa Superliganing ikki klubida umumiy uch nafar futbolchi shu yo‘lni tanlaganini ko‘rsatdi.
“Mazkur ikki klubga futbolchilarning hujjatlarini uning haqiqiy tug‘ilgan yili bo‘yicha rasmiylashtirilishini va bu holatni qonun doirasida hal etilishini 20-oktabrga qadar ta’minlash uchun ogohlantirish xatlari yuborildi. Shuningdek, uch futbolchi vaqtinchalik PFL ro‘yxatidan chiqarildi. Klublar 20-oktabrgacha vaziyatni o‘nglamasa, o‘tgan yili bo‘lgani kabi PFL ishni prokuraturaga qonuniy baho berish uchun oshiradi”, — deyiladi PFL bayonotida.
Superliganing ayrim klublarida litsenziyalash talablari bilan bog‘liq muammolar borligi aniqlandi
PFLning ma’lum qilishicha, “Turon”, “Qizilqum”, “So‘g‘diyona”, “Paxtakor”, “Lokomotiv” va “Nasaf” klublari projektorlarni OFK talablari darajasiga keltirgan.
“Surxon”, “Mash’al” va “Andijon” klublarida bu muammo ustida ishlanmadi va OFK mazkur klublarga litsenziya taqdim etmasligi katta ehtimol. “Qo‘qon-1912” mazkur muammoni hal qilish ustida nisbatan ishladi. Biroq klub belgilangan muddat ichida muammoni bartaraf etishga ulguradimi yoki yo‘qligi asosiy masala bo‘lib turibdi. Shuningdek, bu borada “OKMK” va “Metallurg” jamoalari hozircha OFK talabidan ortda qolayotgani ta’kidlangan.
Shuningdek, “Surxon” va “Navbahor”da qarzdorlik bilan bog‘liq muammolar bor. Namanganliklar klubi sobiq murabbiylar Aleksey Belenkov va Andrey Kanchelskisdan qarzdor. “Navbahor” qolgan mezonlar bo‘yicha OFK talablariga to‘liq javob beradi.
Jahon
Yevropada Chempionlar Ligasining 2-tur bahslari boshlanadi28 va 29-sentabr kunlari Chempionlar Ligasining 2-tur uchrashuvlari bo‘lib o‘tadi. Seshanba tunida Jasur Yaxshiboyevning “Sherif”i Madridda “Real” mehmoni bo‘ladi.
Chempionlar Ligasi
2-tur bahslari
28-sentabr, seshanba
A guruhi
- “PSJ” – “Manchester Siti”|00:00
- “Leypsig” – “Bryugge”|00:00
- “Portu” – “Liverpul”|00:00
- “Milan” – “Atletiko M”|00:00
- “Ayaks” – “Beshiktosh”|21:45
- “Borussiya D” – “Sporting”|00:00
- “Shaxtyor D” – “Inter M”| 21:45
- “Real Madrid” – “Sherif”|00:00
Tashkilot “Real”, “Barselona” va “Yuventus”ga nisbatan qo‘zg‘atilgan ishni yopdi. UEFA tartib intizom qo‘mitasi Superliganing tashkil etilishidan keyin may oyi oxirida uning ta’sischilariga nisbatan ish ochgan va ularga sanksiya qo‘llagandi.
UEFA ayblovlarni qaytarib olgan. Shuningdek, ularga belgilangan jarimalar ham bekor qilingan, deya xabar qilmoqda The Associated Press.
Avvalroq Madrid sudi UEFAdan Superliga ta’sischilariga nisbatan e’lon qilgan ayblovni bekor qilishni talab qilgandi. O‘z navbatida UEFA ushbu sud qaroriga qarshi apellyatsiya bergan.
Argentina terma jamoasi JCh—2022 saralashi doirasidagi o‘yinlar uchun qaydnomani e’lon qildi
Argentina 8-oktabrda Paragvay, 11-oktabrda Urugvay, 15-oktabrda esa Peru bilan o‘ynaydi.
Darvozabonlar: Franko Armani, Xuan Musso, Emiliano Martines, Esteban Andrada;
Himoyachilar: Gonsalo Montel, Nauel Molina, Xuan Foyt, Lukas Martines, Xerman Pesselya, Nikolas Otamendi, Kristian Romero, Lisandro Martines, Nikolas Talyafiko, Markos Akunya;
Yarim himoyachilar: Leandro Paredes, Gido Rodriges, Nikolas Dominges, Jovani lo Chelso, Eksekiel Palasios, Rodrigo de Paul, Papu Gomes, Nikolas Gonsales, Anxel di Mariya;
Hujumchilar: Lukas Alario, Lionel Messi, Paulo Dibala, Lautaro Martines, Xoakin Korrea, Anxel Korrea, Xulian Alvares.
“Milan” forvardi Shvetsiyaning oktabr oyidagi JCh—2022 saralash bahslari qaydnomasiga kiritildi. Zlatan jarohat sabab mavsum startini o‘tkazib yubordi va 12-sentabr kuni “Latsio”ga qarshi bahsda maydonga qaytgandi.
Shvetsiya 9-oktabr kuni Kosovoga qarshi o‘ynaydi, 12-oktabrda esa Gretsiyaga qarshi bahs olib boradi.
Izoh (0)