Дунё ва ўзбек спортига оид 28 сентябрь кунининг энг муҳим хабарлари дайжести билан танишинг.
Ўзбекистон
Суперлиганинг икки клубида ёшини ўзгартирган уч футболчи аниқландиПФЛ биологик ёшини сунъий кичрайтирган футболчилар масаласи ўрганиб чиқди. Натижалар эса Суперлиганинг икки клубида умумий уч нафар футболчи шу йўлни танлаганини кўрсатди.
«Мазкур икки клубга футболчиларнинг ҳужжатларини унинг ҳақиқий туғилган йили бўйича расмийлаштирилишини ва бу ҳолатни қонун доирасида ҳал этилишини 20 октябрга қадар таъминлаш учун огоҳлантириш хатлари юборилди. Шунингдек, уч футболчи вақтинчалик ПФЛ рўйхатидан чиқарилди. Клублар 20 октябргача вазиятни ўнгламаса, ўтган йили бўлгани каби ПФЛ ишни прокуратурага қонуний баҳо бериш учун оширади», — дейилади ПФЛ баёнотида.
Суперлиганинг айрим клубларида лицензиялаш талаблари билан боғлиқ муаммолар борлиги аниқланди
ПФЛнинг маълум қилишича, «Турон», «Қизилқум», «Сўғдиёна», «Пахтакор», «Локомотив» ва «Насаф» клублари прожекторларни ОФК талаблари даражасига келтирган.
«Сурхон», «Машъал» ва «Андижон» клубларида бу муаммо устида ишланмади ва ОФК мазкур клубларга лицензия тақдим этмаслиги катта эҳтимол. «Қўқон-1912» мазкур муаммони ҳал қилиш устида нисбатан ишлади. Бироқ клуб белгиланган муддат ичида муаммони бартараф этишга улгурадими ёки йўқлиги асосий масала бўлиб турибди. Шунингдек, бу борада «ОКМК» ва «Металлург» жамоалари ҳозирча ОФК талабидан ортда қолаётгани таъкидланган.
Шунингдек, «Сурхон» ва «Навбаҳор»да қарздорлик билан боғлиқ муаммолар бор. Наманганликлар клуби собиқ мураббийлар Алексей Беленков ва Андрей Канчельскисдан қарздор. «Навбаҳор» қолган мезонлар бўйича ОФК талабларига тўлиқ жавоб беради.
Жаҳон
Европада Чемпионлар Лигасининг 2-тур баҳслари бошланади28 ва 29 сентябрь кунлари Чемпионлар Лигасининг 2-тур учрашувлари бўлиб ўтади. Сешанба тунида Жасур Яхшибоевнинг «Шериф»и Мадридда «Реал» меҳмони бўлади.
Чемпионлар Лигаси
2-тур баҳслари
28 сентябрь, сешанба
А гуруҳи
- «ПСЖ» – «Манчестер Сити»|00:00
- «Лейпциг» – «Брюгге»|00:00
- «Порту» – «Ливерпуль»|00:00
- «Милан» – «Атлетико М»|00:00
- «Аякс» – «Бешиктош»|21:45
- «Боруссия Д» – «Спортинг»|00:00
- «Шахтёр Д» – «Интер М»| 21:45
- «Реал Мадрид» – «Шериф»|00:00
Ташкилот «Реал», «Барселона» ва «Ювентус»га нисбатан қўзғатилган ишни ёпди. УЕФА тартиб интизом қўмитаси Суперлиганинг ташкил этилишидан кейин май ойи охирида унинг таъсисчиларига нисбатан иш очган ва уларга санкция қўллаганди.
УЕФА айбловларни қайтариб олган. Шунингдек, уларга белгиланган жарималар ҳам бекор қилинган, дея хабар қилмоқда The Associated Press.
Аввалроқ Мадрид суди УЕФАдан Суперлига таъсисчиларига нисбатан эълон қилган айбловни бекор қилишни талаб қилганди. Ўз навбатида УЕФА ушбу суд қарорига қарши апелляция берган.
Аргентина терма жамоаси ЖЧ—2022 саралаши доирасидаги ўйинлар учун қайдномани эълон қилди
Аргентина 8 октябрда Парагвай, 11 октябрда Уругвай, 15 октябрда эса Перу билан ўйнайди.
Дарвозабонлар: Франко Армани, Хуан Муссо, Эмилиано Мартинес, Эстебан Андрада;
Ҳимоячилар: Гонсало Монтел, Науэл Молина, Хуан Фойт, Лукас Мартинес, Херман Песселя, Николас Отаменди, Кристиан Ромеро, Lisaндро Мартинес, Николас Тальяфико, Маркос Акуня;
Ярим ҳимоячилар: Леандро Паредес, Гидо Родригес, Николас Домингес, Жовани ло Челсо, Эксекиэл Паласиос, Родриго де Пауль, Папу Гомес, Николас Гонsaleс, Анхель ди Мария;
Ҳужумчилар: Лукас Аларио, Лионель Месси, Пауло Дибала, Лаутаро Мартинес, Хоакин Корреа, Анхель Корреа, Хулиан Альварес.
«Милан» форварди Швециянинг октябрь ойидаги ЖЧ—2022 саралаш баҳслари қайдномасига киритилди. Златан жароҳат сабаб мавсум стартини ўтказиб юборди ва 12 сентябрь куни «Лацио»га қарши баҳсда майдонга қайтганди.
Швеция 9 октябрь куни Косовога қарши ўйнайди, 12 октябрда эса Грецияга қарши баҳс олиб боради.
Изоҳ (0)