Har bir ayol bilishi kerak bo‘lgan polikistozga xos 8 simptom

Har ikkinchi ayolning bittasida uchraydigan tuxumdonlar polikistozi sindromi ayollardagi bepushtlikka xos keng tarqalgan sabab sanaladi. Shu bilan birga, hayot davomiyligiga ta’sir qiluvchi bir qancha xavfli kasalliklarning rivojlanishiga sabab bo‘ladi. Qandli diabet, yurak kasalliklari, depressiya, demensiya shular jumlasidan. Quyidagi simptomlar kuzatilgan ayollarga zudlik bilan shifokorga borish tavsiya qilinadi.

Hayz siklining buzilishi

Erkaklarga xos simptomning kamayishi bilan tuxumdonlar faoliyati susayib, ovulyatsiya yomonlashadi. Shu sabab ham hayz siklida muammo kuzatilishi mumkin. Doimiy ravishda bo‘lmasa va so‘nggi vaqtda muammo jadallashsa, shifokorga murojaat qiling.

Homilador bo‘lish bilan bog‘liq muammo kuzatilsa

Farzandli bo‘lishning uddasidan chiqilmasa, polikistoz bor yoki yo‘qligini, albatta, tekshirtirib ko‘rish kerak. Bu ayollarga xos bepushtlikning eng keng tarqalgan muammolaridan biri bo‘lishi mumkin. Qolaversa, tuxumdonlar polikistozi vaqtida ovulyatsiya testi noto‘g‘ri natijani ko‘rsatishi mumkin. Ammo o‘z vaqtida shifokorga murojaat qilinsa, muammoga yechim topish mumkin.

Soch bilan bog‘liq muammolar

Tuxumdonida polikistoz rivojlanayotgan ayollarda aksariyat hollarda soch to‘kilishi kuzatiladi. Yuzda esa aksincha ko‘payishi kuzatiladi.

Husnbuzar va teri bilan bog‘liq boshqa muammolar

Erkaklarga xos gormonning haddan tashqari ko‘p ajralishi ham terining yog‘lanishiga sabab bo‘lishi mumkin. Bu qazg‘oq bosishi, husnbuzar va teri bilan bog‘liq muammolar paydo bo‘lishiga olib kelishi mumkin.

Vazn ortishi

Tuxumdonlar polikistozi sindromida aksariyat hollarda ikki gormon — insulin va leptinga bo‘lgan sezuvchanlik bilan bog‘liq muammo kuzatiladi. Birinchisi organizmda yog‘ to‘planishi, ikkinchisi esa ishtaha va ochlik hissiga javob beradi. Agar to‘satdan, ayniqsa bel sohasida yog‘ to‘planganiga e’tibor bersangiz, insulin miqdorini tekshirtirish hamda shifokorga murojaat qilish tavsiya qilinadi.

Uyqu bilan bog‘liq muammolar

Uyqu vaqtida nafasning 10—20 daqiqaga to‘xtashi bilan namoyon bo‘ladigan apnoe, aksariyat hollarda polikistozi bor ayollarda kuzatiladi. Sizda shunday muammo kuzatiladigan bo‘lsa, darhol shifokorga borish tavsiya qilinadi.

Tuxumdonlardagi o‘sma (kista)

Qanchalik g‘alati tuyilmasin, tuxumdonlar polikistozida hamma vaqt ham o‘sma paydo bo‘lavermaydi. Ammo katta yoshli ayollarda ushbu simptomning kuzatilishi ehtimoli yo‘q emas.

Xavotir va depressiya

Human Reproduction nashrida e’lon qilingan tadqiqot natijalariga ko‘ra, polikistozi bor ayollarda emotsional stressning bisyor ekani aniqlangan. Depressiya, qo‘rquv, bipolyar depressiya va shunga o‘xshash psixologik muammolar tuxumdonlar polikistozi va unga xos alomat bo‘lishi mumkin. Tuxumdonlarida polikistozi bor ayollardagi kortizolning oshishi psixologik muammolardan darak berishi mumkin.