Ҳар иккинчи аёлнинг биттасида учрайдиган тухумдонлар поликистози синдроми аёллардаги бепуштликка хос кенг тарқалган сабаб саналади. Шу билан бирга, ҳаёт давомийлигига таъсир қилувчи бир қанча хавфли касалликларнинг ривожланишига сабаб бўлади. Қандли диабет, юрак касалликлари, депрессия, деменция шулар жумласидан. Қуйидаги симптомлар кузатилган аёлларга зудлик билан шифокорга бориш тавсия қилинади.
Ҳайз циклининг бузилиши
Эркакларга хос симптомнинг камайиши билан тухумдонлар фаолияти сусайиб, овуляция ёмонлашади. Шу сабаб ҳам ҳайз циклида муаммо кузатилиши мумкин. Доимий равишда бўлмаса ва сўнгги вақтда муаммо жадаллашса, шифокорга мурожаат қилинг.
Ҳомиладор бўлиш билан боғлиқ муаммо кузатилса
Фарзандли бўлишнинг уддасидан чиқилмаса, поликистоз бор ёки йўқлигини, албатта, текширтириб кўриш керак. Бу аёлларга хос бепуштликнинг энг кенг тарқалган муаммоларидан бири бўлиши мумкин. Қолаверса, тухумдонлар поликистози вақтида овуляция тести нотўғри натижани кўрсатиши мумкин. Аммо ўз вақтида шифокорга мурожаат қилинса, муаммога ечим топиш мумкин.
Соч билан боғлиқ муаммолар
Тухумдонида поликистоз ривожланаётган аёлларда аксарият ҳолларда соч тўкилиши кузатилади. Юзда эса аксинча кўпайиши кузатилади.
Ҳуснбузар ва тери билан боғлиқ бошқа муаммолар
Эркакларга хос гормоннинг ҳаддан ташқари кўп ажралиши ҳам терининг ёғланишига сабаб бўлиши мумкин. Бу қазғоқ босиши, ҳуснбузар ва тери билан боғлиқ муаммолар пайдо бўлишига олиб келиши мумкин.
Вазн ортиши
Тухумдонлар поликистози синдромида аксарият ҳолларда икки гормон — инсулин ва лептинга бўлган сезувчанлик билан боғлиқ муаммо кузатилади. Биринчиси организмда ёғ тўпланиши, иккинчиси эса иштаҳа ва очлик ҳиссига жавоб беради. Агар тўсатдан, айниқса бел соҳасида ёғ тўпланганига эътибор берсангиз, инсулин миқдорини текширтириш ҳамда шифокорга мурожаат қилиш тавсия қилинади.
Уйқу билан боғлиқ муаммолар
Уйқу вақтида нафаснинг 10—20 дақиқага тўхташи билан намоён бўладиган апноэ, аксарият ҳолларда поликистози бор аёлларда кузатилади. Сизда шундай муаммо кузатиладиган бўлса, дарҳол шифокорга бориш тавсия қилинади.
Тухумдонлардаги ўсма (киста)
Қанчалик ғалати туйилмасин, тухумдонлар поликистозида ҳамма вақт ҳам ўсма пайдо бўлавермайди. Аммо катта ёшли аёлларда ушбу симптомнинг кузатилиши эҳтимоли йўқ эмас.
Хавотир ва депрессия
Human Reproduction нашрида эълон қилинган тадқиқот натижаларига кўра, поликистози бор аёлларда эмоционал стресснинг бисёр экани аниқланган. Депрессия, қўрқув, биполяр депрессия ва шунга ўхшаш психологик муаммолар тухумдонлар поликистози ва унга хос аломат бўлиши мумкин. Тухумдонларида поликистози бор аёллардаги кортизолнинг ошиши психологик муаммолардан дарак бериши мумкин.
Мавзуга доир:
Изоҳ (0)