Bazel universiteti tadqiqotchilari bilan hamkorlikda yaratilgan yangi mobil dastur qo‘shimcha reallik yordamida insonlarga o‘rgimchaklardan qo‘rqish — araxnofobiyani yengishga yordam beradi. Tadqiqot natijalari Journal of Anxiety Disorders jurnalida chop etilgan, deb xabar beradi Hi-Tech.Mail.ru.
Olimlarning ma’lumotlariga ko‘ra, yer yuzidagi insonlarning 5 foizi o‘rgimchaklardan qo‘rqadi. Ta’kidlanishicha, ushbu qo‘rquv ayrim insonlarda evolyutsion tezlashmoqda.
Mobil dasturda qo‘llaniladigan ekspozitsion terapiya — araxnofobiya kabi qo‘rquvlarni davolashga yordam beradigan samarali usullardan biri hisoblanadi. Ushbu usuldan xavotir psixoterapiyasi kasalliklarini davolashda foydalaniladi. Uning mohiyati bemorni to‘g‘ridan to‘g‘ri xavf yo‘qligi holatida qo‘rquv manbasiga yaqinlashtirishdan iborat. Ammo buni amalga oshirish doim ham oson emas, chunki har bir terapevtda ham bir juft qoraqurt topilmaydi. Bu kabi holatda VR va AR-texnologiyalari yordamga keladi.
Mobil dastur araxnofobiyasi bor insonlarni ekspozitsion davolashga mo‘ljallangan bo‘lib, u qo‘shimcha reallik interfeysi yordamida makonda harakatlanayotgan o‘rgimcha tasvirini hosil qila oladi.
Dastur samaradorligini aniqlashga mo‘ljallangan klinik sinovlarda 66 kishi ishtirok etgan. Guruhning uchdan ikki qismi ikki hafta davomida dastur yordamida 30 daqiqali oltita seansdan o‘tishi kerak bo‘lgan. Qolgan qismi esa tajribaga bevosita jalb etilmagan, ammo ishtirokchi guruhlar natijasini kuzatib borgan.
Ishtirokchilar tajriba avvali va oxirida o‘z qo‘rquvi ko‘lamini baholash jarayonlaridan o‘tgan. Tadqiqotchilar xulosa qilishicha, mustaqil geymifitsiyalashgan smartfonga asoslangan qo‘shimcha reallikni namoyish qilish dasturidan uy sharoitida tez-tez foydalanish ishtirokchilarda fobik qo‘rquvning kamayishida samarali bo‘lgan.
Dastur atrofni skaner qiladi va ekranda katta o‘rgimcha paydo bo‘ladi. Bir necha soniyadan so‘ng, smartfonni qattiqroq ushlash bo‘yicha ogohlantirish chiqadi va o‘rgimcha orqali oyoqlariga tayanib, o‘rmalay boshlaydi. Araxnofoblar uchun bu haqiqatda qo‘rqinchli hisoblanadi. Shundan so‘ng, ishtirokchining qo‘rquv darajasi baholanadi.
Izoh (0)