Vashington universitetining Sent-Luisdagi tibbiyot maktabi olimlari koronavirusning ma’lum bo‘lgan barcha mutatsiyalarini zararsizlantira oladigan antitanachani aniqladi. Tadqiqot natijalari oliy ta’lim muassasasining saytida e’lon qilingan deb xabar beradi “Korrespondent.net”.
Tadqiqotchilar tajriba davomida 43 ta namunani o‘rgangan hamda ularning hujayralarni kasallikdan himoya qilish qobiliyatini tahlil qilgan. Shundan so‘ng ular orasidagi eng istiqbolli to‘qqiztasi sichqonlarda sinalib, yakunda eng samarali ikkitasi tanlab olingan.
Olimlar SARS2-38 antitanasi koronavirusning hozirda tarqalgan variantlari, shuningdek, kamyob mutatsiyalari bilan kurasha olishini aniqlagan — u spayk oqsilining o‘zgarishsiz qolayotgan qismiga kirib bora oladi.
Mutaxassislar SARS2-38 antitanasining past konsentratsiyada ham neytrallash qobiliyati, shuningdek, barcha turdagi infeksiya qo‘zg‘atuvchilarga ta’sirini ko‘rsatishini o‘ziga xos jihati sifatida e’tirof etmoqda.
Tadqiqot mualliflarining fikricha, ushbu yangilik koronavirusga chalinganlarni tez va ishonchli davolashga imkon beradi. Eng yaxshi natijalarga kombinatsiyalashgan terapiya yordamida erishish mumkin.
Avvalroq tibbiyot xodimlari koronavirusga chalingan emlangan va emlanmagan bemorlarning o‘pkalarini o‘zaro taqqoslagandi.
Izoh (0)