“International Job Organization – xususiy bandlik agentligi” MChJdan jabr ko‘rganlarga mablag‘larini qaytarish ishlarini olib bermoqda, deya “Daryo”ga xabar bermoqda Majburiy ijro byurosi axborot xizmati.
Jinoyat ishlari bo‘yicha Shayxontohur tuman sudining 2021-yil 15-iyuldagi ijro varaqasiga asosan “International Job Organization – xususiy bandlik agentligi” MChJ mansabdor shaxslari Sh.A. va boshqalarning jinoyat ishi bo‘yicha dastlabki tergov organi tomonidan xatlangan.
Ma’lum qilinishicha, 1,9 milliard so‘m pul mablag‘lari hamda jami 13,7 milliard so‘mlik mol-mulklarni 1 300 nafar undiruvchilarga yetkazilgan moddiy zararlarni qoplashga qaratish to‘g‘risidagi ijro hujjati Byuroning Toshkent viloyati boshqarmasi ish yurituviga kelib tushib ijro ishi qo‘zg‘atilgan.
Ijro harakatlari davomida xatlangan pul mablag‘larini Byuroning Toshkent viloyati bo‘limi depozit hisob raqamlariga o‘tkazish yuzasidan tegishli tashkilotlarga murojaat qilinib, ushbu pul mablag‘lari depozit hisob raqamida jamlangan.
Hozirda mazkur xususiy bandlik agentligidan jabrlangan 299 nafar fuqarolar murojaat qilib, o‘zlariga tegishli hisob raqamlar xaqidagi ma’lumotlarni taqdim qilgan.
Ariza topshirgan fuqarolardan jami 484 nafar fuqarolarga 1,1 milliard so‘m taqsimlangan pul mablag‘lari o‘tkazilishi ta’minlangan.
“Jamiyatdan jabr ko‘rgan fuqarolarining aksariyati viloyatlarda yashashini inobatga olib, ularga yanada qulaylik yaratish va ortiqcha ovoragarchiliklarning oldini olish maqsadida, ishchi guruhga +998(33)086-61-31 raqamli Telegram messenjeri orqali jabrlanuvchilar haqidagi (pasport nusxa, plastik kartochka, bank rekvizitlari va iltimosnoma) ma’lumotlarni yuborish so‘raladi. Yoki, bevosita Byuroning Toshkent viloyat boshqarmasiga haftaning dushanba–juma kunlari soat 09:00 dan 18:00 ga qadar kelib murojaat qilishlari hamda ma’lumot uchun 71-231-68-89 va 71-263-53-13 raqamlari orqali bog‘lanish mumkinligi ma’lum qilinadi.
Shuningdek, jabrlangan o‘z mablag‘larini olish uchun hududiy MIB boshqarmalariga ham murojaat etishlari mumkin”, – deyiladi MIB xabarida.
Mavzuga doir:
- Rossiyaning Primorsk o‘lkasida ish beruvchi tomonidan pasportlari olib qo‘yilgan o‘zbekistonliklarga yordam berildi
- O‘zbekistondagi 65 ta xususiy bandlik agentligining litsenziyasi bekor qilindi
- O‘zbekistonda 2600 dan ortiq kishini chuv tushirgan International Job Organization agentligi rahbarlari ustidan sud hukmi e’lon qilindi
Izoh (0)