Sirdaryo viloyati Mirzaobod tumani, “Dehqonobod” MFY hududidagi dala maydoni chetidagi butalar orasidan 2021-yilning 10-sentabr kuni soat 13:50 da ayol jasadi topilgan. Bu haqda Sirdaryo viloyati IIB axborot xizmati ma’lum qildi.
Xabarga ko‘ra, marhum yoqib yuborilgan. Mazkur holat yuzasidan huquqni muhofaza qiluvchi organlar xodimlari tomonidan olib borilgan tezkor surushtiruvi davomida, noma’lum murdaning shaxsiga aniqlik kiritilib, ushbu jinoyatni sodir qilgan shaxslar S.K. hamda uning jinoiy sheriklari L.K., S.M., V.D. va J.M. ekani aniqlanib, ehtiyot chorasi sifatida qamoqqa olingan.
Hozirda holat yuzasidan Mirzaobod tuman prokuraturasi tomonidan Jinoyat kodeksining 97-moddasi 2-qismi “j” bandi (o‘ta shafqatsizlik bilan odam o‘ldirish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Farg‘onada 36 yoshli mast erkak janjal oqibatida tanishini urib, o‘ldirib qo‘ydi
- “Malika” savdo majmuasi oldida sotuvchilar o‘rtasida pichoqbozlik yuz berib, 44 yoshli kishi o‘ldirildi
- Toshkent viloyatida alimentdan qariyb 12 mln so‘m qarzdorligi bor erkak sobiq turmush o‘rtog‘ini MIB bo‘limida pichoqladi
Izoh (0)