O‘zbekistonga yil boshidan buyon xorijdan qancha fuqaro jasadi olib kelingani ma’lum qilindi

Tashqi mehnat migratsiyasi agentligi 2021-yilning 8 oyi davomida amalga oshirilgan ishlar yuzasidan hisobot berdi.

Unga ko‘ra, agentlik tomonidan xorijda mehnat faoliyatini amalga oshirayotgan 7 ming 25 nafar mehnat migrantiga huquqiy yordam, 262 ming 161 nafariga maslahat xizmatlari, 4 ming 853 nafariga ijtimoiy yordam, 8 ming 268 nafariga moddiy yordam ko‘rsatilgan.

Bundan tashqari:

• xorijda vafot etgan 323 nafar fuqaro jasadi olib kelingan;
• 4 ming 150 nafar mehnat migrantiga bir martalik moddiy yordam ajratilgan;
• 219 nafar mehnat migranti vaqtincha xostelga joylashtirilgan;
• 271 nafar xorijda qiyin ahvolda qolgan fuqarolar qaytarilgan;
• og‘ir tan jarohati olgan 11 nafar mehnat migrantining tibbiy xizmat xarajatlari qoplab berilgan.