Ўзбекистонга йил бошидан буён хориждан қанча фуқаро жасади олиб келингани маълум қилинди

Ташқи меҳнат миграцияси агентлиги 2021 йилнинг 8 ойи давомида амалга оширилган ишлар юзасидан ҳисобот берди.

Унга кўра, агентлик томонидан хорижда меҳнат фаолиятини амалга ошираётган 7 минг 25 нафар меҳнат мигрантига ҳуқуқий ёрдам, 262 минг 161 нафарига маслаҳат хизматлари, 4 минг 853 нафарига ижтимоий ёрдам, 8 минг 268 нафарига моддий ёрдам кўрсатилган.

Бундан ташқари:

• хорижда вафот этган 323 нафар фуқаро жасади олиб келинган;
• 4 минг 150 нафар меҳнат мигрантига бир марталик моддий ёрдам ажратилган;
• 219 нафар меҳнат мигранти вақтинча хостелга жойлаштирилган;
• 271 нафар хорижда қийин аҳволда қолган фуқаролар қайтарилган;
• оғир тан жароҳати олган 11 нафар меҳнат мигрантининг тиббий хизмат харажатлари қоплаб берилган.