“Etaji” ko‘chmas mulk agentligi tomonidan maxsus tayyorlangan tahlillarga tayanib, avgust oyi yakuniga ko‘ra Spot nashri Toshkentdagi ikkilamchi turar joy bozoridagi o‘rtacha narxlar sharhini e’lon qildi.
Qayd etilishicha, Toshkentda avgust oyida ikkilamchi uy-joy bozorida o‘rtacha narx har kvadrat metrga 7,5 million so‘mni, birlamchi bozorda taklif qilinayotgan narxlar esa har kvadrat metrga 8,4 million so‘mni tashkil etgan.
Tumanlar kesimida o‘rtacha narxlar quyidagi ko‘rinishga ega:
- Yakkasaroy — 8,7 million so‘m;
- Mirobod — 8,7 million so‘m;
- Shayxontohur — 8,3 million so‘m;
- Mirzo Ulug‘bek — 8,1 million so‘m;
- Yunusobod — 8,0 million so‘m;
- Chilonzor — 7,8 million so‘m;
- Uchtepa — 7,0 million so‘m;
- Olmazor — 6,5 million so‘m;
- Yashnobod — 6,5 million so‘m;
- Sergeli — 5,0 million so‘m;
- Yangihayot — 4,8 million so‘m;
- Bektemir — 4,5 million so‘m.
Avgustda ikkilamchi bozorda eng yuqori ulush ikki xonali va uch xonali kvartiralar hissasiga to‘g‘ri kelgan.
Avgust oxiriga kelib har ikkala taraf — talab ham, taklif ham birdek faollashgan. Agentlik buni poytaxtda epidemiologik vaziyatning yaxshilanishi, mavsumiy ta’tillar tugashi va harorat pasayishi bilan izohlagani aytilgan.
“Etaji” taxminiga ko‘ra, sentabr va oktabr oylarida ham shunday faollik saqlanib qoladi.
Mavzuga doir:
- O‘zbekistonda talabalarni ijaraga qo‘yganlarni daromad solig‘idan ozod etish rejalashtirilmoqda
- Shavkat Mirziyoyev: “2021-yilning o‘zida yana 50 mingga yaqin oila uy-joy bilan ta’minlanadi”
- O‘zbekistonda uy-joy sotib olish uchun boshlang‘ich badal miqdori o‘zgardi, subsidiya to‘lash muddati uzaytirildi
Izoh (0)