Namanganda bitiruvchilari oliy ta’lim muassasalariga kirish bo‘yicha yuqori natijaga erishgan maktablar munosib taqdirlandi. Bu haqda “Daryo” muxbiri Azizbek Abduvaliyev xabar bermoqda.
Viloyatda jami 711 ta umumta’lim maktabi bo‘lib, ulardan 122 tasi o‘quvchilarning OTMlarga kirishi, fan olimpiadalarida erishgan g‘alabalari, ta’lim sifati va samaradorligini oshirish borasidagi faoliyati jihatidan namunali deb topildi.
Xalq ta’limi vazirligi tashabbusi bilan mazkur maktablarning barchasiga eng so‘nggi rusumdagi televizorlar taqdim etildi.
Ma’lumot uchun, 2021-yili Namanganda 12 111 nafar yoki jami abituriyentlarning 21,6 foizi talabalar safidan o‘rin oldi. Viloyat ushbu ko‘rsatkich bo‘yicha respublikada beshinchi o‘rinda qayd etilgan.
Izoh (0)