Surxondaryo viloyatining Qumqo‘rg‘on tumanida 2-sentabr kuni Lacetti va Isuzu yuk mashinasi ishtirokida yuz bergan YTHda bir kishi vafot etdi. Bu haqda viloyat IIB YHXB matbuot xizmati xabar berdi.
Ma’lum qilinishicha, Lacetti Denov—Boysun yo‘nalishida harakatlanib ketayotganida yo‘lning qarama-qarshi tomonidan kelayotgan Isuzu yuk mashinasi yo‘liga chiqib ketgan. Isuzu ko‘prik ustiga kelib qolgani va ko‘prik to‘siqlari mavjudligi sababli transport vositasini olib qochish imkoniyati bo‘lmagani uchun Lacetti bilan to‘qnashgan.
Oqibatda Lacetti’ning orqa o‘rindig‘ida bo‘lgan haydovchining otasi olgan tan jarohatlaridan tuman tibbiyot birlashmasida vafot etgan.
Bundan avval Surxondaryo viloyatining Qumqo‘rg‘on tumanida Spark yo‘l chetida to‘xtab turgan “Gazel”ga borib urilishi oqibatida bir kishi vafot etgani haqida xabar berilgan edi.
Mavzuga doir:
- Surxondaryoda Nexia va Matiz to‘qnashuvi oqibatida bir kishi vafot etdi. Haydovchilardan biri reanimatsiyaga joylashtirildi
- Surxondaryoda Cobalt va “Jiguli” ishtirokidagi YTH oqibatida haydovchilardan biri vafot etdi
- Surxondaryoda haydovchi uxlab qolishi oqibatida yuk mashinasiga borib urilgan Damas’da yo‘lovchi vafot etdi
Izoh (0)