Ijtimoiy tarmoqda “Novza” masjidi oldida juma namoziga kelganlar jarimaga tortilayotgani aytilgan video tarqaldi. Unda planshet ushlagan YPX xodimi yo‘lda to‘xtatilgan avtomobillar raqamlarini suratga olayotganini ko‘rish mumkin. YHXBB ushbu holatga oydinlik kiritdi.
Unda aytilishicha, yo‘l harakati qoidalariga ko‘ra, transport vositalarini yo‘lning qatnov qismida bir qator qilib, qatnov qismi chetiga parallel ravishda kajavasi bo‘lmagan ikki g‘ildirakli transport vositalarini ikki qator qilib qo‘yishga ruxsat etiladi.
3-sentabr kuni Toshkent shahar, Chilonzor tumani hududida joylashgan “Novza” masjidiga juma namoziga kelgan ayrim fuqarolar boshqaruvida bo‘lgan avtomobilni Bunyodkor shohko‘chasiga qatnov qismi chetiga parallel ravishda 3 qator tarzda qo‘yib, o‘zlari masjidga kirgan.
Mazkur masjid atrofida harakat xavfsizligini ta’minlash maqsadida xizmatga jalb etilgan xodimlar 3-qatorga qo‘yilgan avtomobillarni suratga olib, profilaktika uchun, haydovchi mazkur qoidabuzarlikni doimiy takrorlamasligi uchun, ogohlantirish sifatida tushuntirishlar bergan.
YPX xodimi vaziyatni inobatga olib qoidabuzarliklar uchun bayonnoma rasmiylashtirmagan.
Mavzuga doir:
- Avtomobilini O‘zbekiston bayrog‘i ranglarida bo‘yagan haydovchilar jarimaga tortilmasdan, ogohlantirish berildi
- Toshkentdagi ustunlardan bayroqlarni yechib olgan fuqarolar ma’muriy javobgarlikka tortilishi mumkin
- Toshkentda haydovchi ayol mast holda deb gumon qilgani uchun mashina boshqarishga yo‘l qo‘ymagan YPX xodimini haqoratladi
- Toshkent viloyatida radar o‘rnatilgan mashinada faoliyat olib borayotgan YPX xodimiga to‘sqinlik qilgan shaxs 15 sutkaga qamaldi
Izoh (0)