Microsoft kompaniyasi keyingi avlod operatsion tizimi bilan ishlay oladigan protsessorlar ro‘yxatini kengaytirdi. Ammo uning o‘ziga yarasha bir kamchiligi bor, deb xabar beradi Hi-Tech.Mail.ru.
Avvalroq Microsoft Windows 11 operatsion tizimini eski protsessorli kompyuterlarga o‘rnatishga to‘sqinlik qilmasligi ma’lum bo‘lgandi. Gap birinchi avlod AMD Ryzen hamda oltinchi va yettinchi avlod Intel Core haqida ketmoqda.
Operatsion tizimning yangi versiyasini o‘rnatish Windows Media Creation Tool yordamida, ISO formatida yuklab olingan fayl orqali mustaqil amalga oshiriladi. Yangilik yaxshi, ammo uning bir kamchiligi bor.
Microsoft ma’lumotlariga ko‘ra, Windows 11 operatsion tizimini qo‘llab-quvvatlamaydigan kompyuterlar Windows Yangilanish tizimi orqali yangilanishdan foydalana olmaydi. Bu drayverlar va istalgan xavfsizlik yangilanishlariga taalluqli.
Bu g‘alati, chunki kompaniya ilgari qo‘llab-quvvatlanmaydigan operatsion tizim versiyalari uchun ham muhim xavfsizlik tuzatishlarini taqdim etib kelgan. Ayni vaqtda Microsoft vaziyatga izoh berishdan bosh tortgan.
Windows 11’ni o‘rnatish uchun Microsoft tomonidan qo‘yilgan minimal talablar:
- Tezkor xotira: 4 gigabayt;
- Ichki xotira: 64 gigabayt;
- Ekran: piksellari soni 1366x768 bo‘lgan >9 dyuym;
- Xavfsizlik: TPM 2.0 / UEFI Secured Boot;
- Internet: ulangan bo‘lishi kerak
- GPU: DirectX 12 compatible graphics / WDDM 2.x;
- Razryad: faqat 64-bit.
Izoh (0)