Netflix kompaniyasi o‘yinlar bozoriga kirish haqidagi rejasini e’lon qilib, buni mobil o‘yinlar orqali boshlashini bildirdi. Hozirda kompaniya Polshadagi foydalanuvchilar o‘rtasida o‘yinlarni sinovdan o‘tkazishni boshlagan, deb xabar beradi IXBT.
Netflix’ning Polshadagi bo‘linmasini Twitter sahifasida striming servisning mamlakatdagi Android foydalanuvchilari uchun ikkita mobil o‘yin — Stranger Things 1984 va Stranger Things 3 taklif etilayotgani to‘g‘risida xabar paydo bo‘lgan.
Izohlarga ko‘ra, o‘yinlar Netflix obunasi doirasida taqdim etilmoqda, qo‘shimcha to‘lov talab etilmayapti, reklama qo‘shilmagan va virtual xaridlar yo‘q.
Umuman olganda, taklif etilayotgan o‘yinlarni bir necha yillardan istalgan inson o‘ynashi mumkin, ular “Juda g‘alati ishlar”ning ikkinchi va uchinchi mavsumlari uchun Netflix bilan sheriklikda yaratilgan. O‘yinlar translyatsiya qilinmay, bevosita mobil qurilmaga yuklanadi. Google Play Store orqali o‘rnatishga mo‘ljallangan.
Eslatib o‘tamiz, 2021-yilning martida Netflix mobil dasturida qisqa kulgili videolarga ega TikTok muqobili ishga tushirilgandi. Bo‘lim “Darrov kulgi” (Fast Laughs) nomini olgan. TikTok’dan farqli o‘laroq, foydalanuvchilar u yerga o‘zlarining shaxsiy roliklarini yuklay olmaydi — lenta faqat Netflix kontentini ko‘rsatadi.
Izoh (0)