Valentino brendining Nyu-York va Parijdagi do‘konlarida o‘g‘rilik sodir bo‘ldi. Har ikkala vaziyatda ham o‘g‘rilar xodimlarga qurol bilan po‘pisa qilgan va yangi kolleksiyadan sumkani olib chiqib ketgan.
Ma’lum qilinishicha, bosqinchilar juma kuni brendning Nyu-Yorkdagi filialiga bostirib kirgan. Sotuvchilar politsiya chaqirishga ulgurgan. Bir nechta erkak do‘kondan jami 20 ming yevroni tashkil qiladigan sumkalarni olib chiqib ketgan. Yo‘l-yo‘lakay sotuvchilardan ikki nafarini itarib yuborgan. O‘g‘rilarning quroli bo‘lgan va jinoyat joyidan qora Range Rover avtomobilida yashiringan.
Politsiya shubhalanuvchilarni qo‘lga olgan — ular 17 dan 21 yoshlar oralig‘idagi yigitlar bo‘lib chiqqan. Oradan deyarli bir hafta o‘tib Fobur-Sent-Onore ko‘chasidagi do‘konda o‘g‘rilik sodir bo‘lgan. Bosqinchilar jami narxi 100 ming yevroni tashkil qiladigan Valentino Garavani Roman Stud handbags va Rockstud Alcove sumkalarini olib chiqib ketgan. Ayni vaqtda tergov jarayoni davom etmoqda, politsiya jinoyatchilarni qidirish bilan band. Valentino vakillari brendning do‘konlaridagi xavfsizlik me’yorlari darajasini oshirish ustida ish olib borayotganini ma’lum qilgan.
Izoh (0)