Мэтт Стоуни исмли америкалик блогер мунтазам равишда кўп миқдорда егулик ейиш бўйича роликларни тасвир олиб келади. Бу сафар у бундан тўққиз йил олдин ўрнатган рекордини янгилади — блогер 9 дақиқа 23 сония ичида 120 та McDonald’s наггетсини (ёғда қовурилган товуқ филеси) ейишга муваффақ бўлди, деб ёзади Esquire.
2012 йилда тасвирга олинган видеода Стоуни бу ишни 14 дақиқа-ю 33 сонияда амалга оширган. Орадан қарийб тўққиз йил ўтгач у ўз натижасини 5 дақиқага яхшилади.
Стоунининг айтишича, 12 қути наггетснинг ичида икки килограммга яқин егулик ёки 4920 килокалория бор. Наггетслардан ташқари блогер олдига соусларни, уч стакан сув ва диэтик колани қўйиб олган.
Дастлабки дақиқаларда Стоуни бирданига иккитадан наггетс ейишга тушган. Челленжнинг тўртинчи дақиқасида 50 та наггетсни еб улгурган блогер жағи оғриётганини айтган. 70-наггетсни ейиш вақтида у яна оғриқдан шикоят қилган, 100-наггетсда эса бироз дам олиб, сув ичишга мажбур бўлган.
Аввалроқ Америка Диснейлендида дунёдаги энг қиммат сендвич сотувга чиқиши тўғрисида хабар берилганди.
Изоҳ (0)