O‘zbekistonda koronavirusga qarshi qo‘llanilgan vaksinalar soni 14 mln dozadan oshdi

O‘zbekistonda 28-avgust kuni COVID-19 ga qarshi 275 581 doza vaksina qo‘llanildi, deb xabar bermoqda Sog‘liqni saqlash vazirligi. Shundan 93 483 doza birinchi bosqichda, 133 759 doza ikkinchi bosqichda va 48 339 doza uchinchi bosqichda qo‘llangan.

Shu kungacha O‘zbekistonda jami 14 027 520 doza vaksinadan foydalanilgan bo‘lib, ulardan 1-bosqichda emlanganlar 9 391 909 nafarni, 2-bosqichda emlanganlar 3 401 179 nafarni, 3-bosqichda emlanganlar 1 234 432 nafarni tashkil qildi. Shu kungacha to‘liq emlangan fuqarolar esa 1 729 454 nafarni tashkil qilmoqda.

So‘nggi sutkada emlash ko‘rsatkichlari bo‘yicha yuqori o‘rinlarni:

• Samarqand viloyati (51 297 doza),
• Andijon viloyati (26 071 doza),
• Xorazm viloyati (23 803 doza) band qildi.

Jami emlashlar bo‘yicha yuqori ko‘rsatkichlar:

• Farg‘ona viloyatida — 1 620 500 doza,
• Namangan viloyatida — 1 609 331 doza,
• Andijon viloyatida — 1 480 174 doza,
• Samarqand viloyatida — 1 380 985 doza,
• Qashqadaryo viloyatida — 1 116 332 doza,
• Surxondaryo viloyatida — 1 086 647 doza,
• Toshkent viloyatida 1 041 190 dozani tashkil qilmoqda.

Sog‘liqni saqlash vazirligi ma’lumotlariga ko‘ra, 22-avgustga kelib O‘zbekistonga keltirilgan jami vaksina miqdori 17 million 856 ming 540 dozaga yetdi. Emlash uchun “Sputnik V”, AstraZeneca, ZF-UZ-VAC 2001 (o‘zbek—xitoy) va Moderna vaksinalaridan foydalanilmoqda. Mamlakatda “Sputnik V”ning birinchi dozasi bilan emlangan fuqarolar vaksinaning ikkinchi dozasini o‘z vaqtida ololmayotgani kuzatilmoqda. O‘zbekiston sanitariya-epidemiologik osoyishtalik va jamoat salomatligi xizmati, vaksinalar va immunoprofilaktika bo‘limi boshlig‘i Dilorom Tursunovaning ma’lum qilishicha, Rossiya vaksinasining navbatdagi partiyasi mamlakatga 30-avgust kuni olib kelinadi.

O‘zbekistonlik olimlar pomidordan foydalanib, COVID-19 infeksiyasiga qarshi vaksina ham ishlab chiqdi.