Ijtimoiy tarmoqda “Bu nimasi? Qashqadaryo viloyati, Yakkabog‘ tumanida GAI xodimi huquqbuzarlikda gumon qilingan fuqaroning mashinasini jarima maydoniga haydovchining ruxsatisiz haydab ketganligi aytilmoqda” izohi bilan video tarqalgan. Holat yuzasidan YHXBB matbuot xizmati ma’lumot berdi.
Qayd etilishicha, holatga oydinlik kiritish hamda Yakkabog‘ tuman IIB YHXB YPX inspektori Z.Husanovning xatti-harakatiga baho berish maqsadida Qashqadaryo viloyati IIB mas’ul xodimlari tomonidan xizmat tekshiruvi o‘tkazilmoqda.
Holat yuzasidan qo‘shimcha axborot berilishi ta’kidlangan.
Bundan avval “Zamministr”ning ikkinchi xotini ekanini aytgan ayolning avtomobili yana bir qoidabuzarlik sabab jarima maydonchasiga joylashtirilgani, internetda YPX xodimlarini gadoylarga tenglashtirib, ularni haqorat qilgan shaxs 12 million so‘m jarimaga tortilgani hamda Navoiyda haydovchi bilan niqobsiz va bodikamerasiz muloqot qilgan YPX xodimiga hayfsan berilgani haqida xabar berilgandi.
Izoh (0)