O‘zbekistonga 22-avgust kuni Xitoydan yana 3 million doza ZF-UZ-VAC2001 vaksinasi olib kelindi. Bu haqda Sog‘liqni saqlash vazirligi xabar berdi.

Foto: SSV matbuot xizmati

Bu ushbu vaksinaning O‘zbekistonga keltirilgan 9-partiyasi bo‘lib, 1 million dozadan iborat avvalgi partiya 20-iyul kuni keltirilgandi.

Shunday qilib, mamlakatga keltirilgan jami vaksina 17 million 856 ming 540 dozani tashkil qilmoqda.

Ulardan:

  • 370 000 dozasi “Sputnik V”,
  • 986 480 dozasi AstraZeneca,
  • 13 500 000 million dozasi ZF-UZ-VAC2001,
  • 3 000 060 dozasi Moderna vaksinasidir.

Eslatib o‘tamiz, shu kunga qadar 12 million 750 ming 44 doza vaksina emlash jarayonlarida foydalanildi. Shuningdek, shu kungacha koronavirusga qarshi to‘liq emlangan fuqarolar 1 million 479 ming 304 nafarni tashkil qilmoqda.

Avvalroq O‘zbekiston hukumati Jurabek Laboratories kompaniyasida ishlab chiqarilgan ZF-UZ-VAC2001 va “Sputnik V” vaksinalarini davlat ro‘yxatidan o‘tkazishga rozilik bergani haqida xabar berilgan edi.